Mogoeng gaan appelleer oor pro-Israel-uitlatings

Hoofregter Mogoeng Mogoeng. (Foto: Jacques Naude/African News Agency/ANA)

Hoofregter Mogoeng Mogoeng het aangedui hy is van voornemens om te appelleer teen ʼn uitspraak wat hom dwing om om verskoning te vra en sy pro-Israel-uitlatings terug te trek.

Die klag is ingedien deur Africa4Palestine, SABDS Coalition en die Women’s Cultural Group.

Die geregtelike gedragskomitee (JCC) het Sondag in ʼn verklaring gesê Mogoeng het aangedui dat hy appèl wil aanteken teen Mojapelo DJP, ʼn lid van die JCC, se uitspraak.

“Die JCC sal binnekort ʼn datum bepaal waarop die appèl aangehoor sal word deur minstens drie van sy lede. Lede van die JCC wat geskik is om die appèl aan te hoor, is adjunkhoofregter RMM Zondo, en regters DH Zondi, N Dambuza en M Victor.”

Die JCC het verlede week Mogoeng opdrag gegee om sy uitlatins oor die Israeli en Palestynse konflik terug te trek. Mogoeng het onder skoot gekom toe hy in Junie verlede jaar tydens ʼn webinaar sy volle ondersteuning aan Israel toegesê het.

Sondag was die sperdatum wat gestel is vir Mogoeng om sy uitlatings terug te trek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Jeff

Jy sien dis waar hulle verkeerd is en dit is nie Africa4Palestine want hulle praat nie vir my of duisende ander. You go judge. We are behind you

Jaco

Vryheid van spraak is onder druk hier en in die res van die wêreld. Oor sekere kwesies mag niks gesê word. Ons stuur op n ramp af die uit einde kan ernstige gevolge inhou.

Wiehan

Dankie dat on ‘n Hoofregter het wat by sy beginsels staan. 100% agter jou.

JM

Hoofregter, die Almagtige sal u beskerm! Wie is die mens dat u hom sou vrees?

marius

Wat se kultuur volg die applikante ? Trek hulle uitmekaar uit !