Die ANC het Woensdag bevestig hy het ʼn versoek van Nomvula Mokonyane, minister van omgewingsake, ontvang dat die party haar ontplooiing in die sesde Nasionale Vergadering heroorweeg.
Dit kom nadat die ANC vroeër aangekondig het Mokonyane is benoem tot voorsitter van parlementêre komiteevoorsitters. Dié posisie sou haar aansienlike mag oor die begroting vir parlementêre komitees en die wetgewende en oorsigprogram gee, en die benoeming is met gemengde reaksie begroet.
Ace Magashule, die ANC se sekretaris-generaal, sê in ʼn verklaring Mokonyane het intussen die ANC-leierskap ingelig dat weens familieverpligtinge en die feit dat sy tans in rou is, sy nie glo sy sal in staat wees om haar pligte getrou en toegewyd na te kom nie.
Mokonyane se man, Serge Mokonyane, is verlede maand oorlede ná ʼn lang siekbed.
“Die ANC sal binnekort herbesin oor die ontplooiing van ʼn vervanging vir die posisie as voorsitter van parlementêre komiteevoorsitters,” het Magashule gesê.
Wonder wanner gaan die dame “uit rou” kom ? Sy wil ok nie reageer op die Bosasa beskuldigings want sy het gesè sy rou nog en gaan nie nou reageer.
Die land is ook in rou
Daai selde versoek het te doen met die baie vleis, kaste whisky en bier…Sy
weet haar kierangkies braai binnekort uit daarom die gemaklik kruk van “in rou” wees! Nee wat Nomvula jou dae is getel!
Jong Boerin ek hoop saam met jou maar wil dit eers sien gebeur
Simpatie aan haar met afsterwe van haar man – sekerlik nie maklik nie.
Hoop egter wel dat na sy gerou het, sy ook sal berou oor haar korrupte dade.
Vra vir haar waar is Tzaneen dam se geld heen !
Sy sal nie nou kan antwoord nie sy rou nog
Lethuli huis raak veilige vesting …