Momberg se appèlaansoek slaag; wil nou borgtog hê

Vicki Momberg. Foto: ANA.

Vicki Momberg wil nou om borgtog aansoek doen nadat haar aansoek om verlof tot appèl vroeër vandeesweek toegestaan is.

Phindi Louw-Mjonondwane, woordvoerder van die Nasionale Vervolgingsgesag (NVG), het Woensdagoggend aan Maroela Media bevestig dat Momberg se aansoek om verlof tot appèl Maandag in die hooggeregshof in Randburg toegestaan is.

“Sy sal nou môre [Donderdag] om borgtog aansoek doen in die streekhof in Randburg,” het Louw-Mjonondwane gesê.

Maroela Media het vroeër berig Momberg se vorige appèlaansoek teen haar skuldigbevinding en vonnis is in April in die Randburg-landdroshof geweier.

Momberg is vroeër tot drie jaar tronkstraf gevonnis, waarvan een jaar opgeskort is, nadat sy in November verlede jaar op vier aanklagte van crimen injuria skuldig bevind is nadat sy ʼn swart polisiebeampte rassistiese beledigings toegesnou het.

Sy is in Februarie 2016 op video vasgevang waarin sy die polisiebeampte, wat haar gehelp het nadat sy die slagoffer van ʼn gryp-en-spaander-voorval was, die k-woord noem. Dit het tydens die verhoor aan die lig gekom dat Momberg dié woord 48 keer in die video gebruik het.

Sy het geskiedenis gemaak as die eerste persoon in Suid-Afrika wat tronk toe gestuur is vir rassisme.

In Junie verlede jaar het die gelykheidshof ook beslis dat Momberg R100 000 skadevergoeding aan konst. Clement Mkhondo moet betaal.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

25 Kommentare

jongste oudste gewildste
Theresa B

Sy kan maar vrygelaat word. Kyk wat doen Malema. Kyk hoe smokkel hy met sy volgelinge se “breins” en sweep almal op. Hy sê wat hy wil en doen wat hy wil. Hoekom word daar nie opgetree teenoor hom nie……???!!!

Monica Grobbelaar

Momberg is gestraf vir rasisme. WAT VAN DIE VROU WAT ONS VERKEERSMANNE SO GEVLOEK HET. Dit word op TV gewys en toe is dit net doodstil. Die vrou op Khulula het haar werk verloor. Hoor graag van Afriforum in die verband.

Cherokee

Daar is toe goeie nuus ook op Maroela vandag.

Anoniem

Mooi so, want so verkeerd as wat sy was was word daar ander rasse groepe minimaal vervolg en/of dieselfde strawwe opgelê! Die howe moet nou maar begin besin en regverdig wees of geheel en al die klug van rassisme van die tafel afhaal! Moes Mnr. Malema nie dan al lankal ‘n stewige tronstraf opgelê gewees het met sy “Kill the Boer, Kill the Farmer” nie???

Johan H.

Hoop jy kom gou uit , jy moes nie eers in die tronk gewees het nie, Daaie oorywerige regtertjie wou net n voorbeeld maak en aan almal wys sy het boek geleerdheid, of wou graag die lotte beindruk, maar glo my daaie wiel gaan nog draaie, hou dop!!Jy sal egter altyd nou getyken word, deur sekeres,hoop jy hou jou kop hoog en sterkte vorentoe!