Mooinooi-skietery: Hooggeregshof moet sê oor borgtog

Matthew Benson. Foto: Molaole Montsho / ANA

Matthew Benson (24) het Donderdag vlugtig in die Brits-landdroshof verskyn in verband met die beweerde skietery van drie mans op ʼn plaas in die Mooinooi-omgewing in Noordwes.

Benson, die seun van ʼn plaaslike boer, wie se borgtogaansoek op 29 September deur dié hof van die hand gewys is, het intussen die hooggeregshof in Pretoria genader om teen dié beslissing te appelleer.

Die staatsaanklaer het Donderdag aan die hof gesê hulle het die akte van beskuldiging vir oorplasing na die hooggeregshof ontvang en het versoek dat die saak na 26 Januarie uitgestel word. Die uitstel is toegestaan.

Die staat voer aan Benson het op 2 Augustus skote op Tebogo Ndlovu (24) en twee vriende afgevuur toe hulle op sy plaas naby Mooinooi skrootmetaal wou steel.

Ndlovu is glo tydens die voorval in die been geskiet. Sy vriende het hom opgetel en probeer weghardloop met hom, maar glo agtergelaat aangesien hy te swaar was. Hulle het hom onder ʼn boom gelos en na ʼn berg gehardloop en hy is sedertdien nog nie weer gesien nie. Daar is ook nog nie ʼn liggaam gevind wat by sy beskrywing pas nie.

Die Noordwes-polisie het intussen ʼn R100 000-beloning uitgeloof in ʼn poging om Ndlovu op te spoor.

Benson se vriende, verloofde, Scharlene Oosthuizen (21), en haar ma, Marianna Audrey, is oortuig Ndlovu lewe nog en het sedert Benson se inhegtenisneming op 16 September geld ingesamel om ʼn beloning aan te bied aan enigiemand wat Ndlovu kan help opspoor. Hulle het ʼn beloning van R50 000 uitgeloof.

Lees die vorige berigte oor Matthew Benson op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Frikkie Geld en huis

Ek wonder of Ndlovu se twee lewendige vriende al vir ‘n leuenverklikkertoets geneem is.

Callie

Vergeet alles. Hy is wit en sal deur baie moet gaan. Alles oor al ons wittes te ruggraatloos is. Hier word beweer hy het geskiet. Die swart weermag ou skiet openlik n jong meisie in die straat Wit ou kry nie beil. Swarte word nie eers toegesluit nie. Jy kan volgende wees. Waar is Gerrie Nel. Is dit nie waarvoor ons moet baklei nie. Dit is so openlik dat selfs die regters wit mense teiken. Gaan almal verder kommentaar lewer of gaan ons vir n slag opstaan

Johan

Ja cherokee.hou op om so aanvalirig te wees en wees eerder realisties en ondersteunbaar.

Gerrit

Ek kan nie glo dat daar nog mense is wat glo dat die howe korrek en onpartydig die wette toepas nie.Die meeste howe in SA is nou onder beheer van on onbevoegde landdroste wat daarop uit is om teen wit beskuldigdes te diskrimineer en julle lees elke dag daarvan in die media. Ek gaan die wag gebruik wat die seun aangerand het in Ellisras wat het met hom gebeur? Die bewyse teen Benson is spekulasie en hoorsê en kyk hoe word hy behandel

koos de la rey

so ek kan nou sommer net goedsmoeds uitgaan en enigiemand aankla van moord , net op hoor se , sonder enige konktrete bewyse en daar sit hy ? dit gaan mos anargie in die hof veroorsaak ?
ek sou die staat aanvat oor die storie