Mooinooi-vroue: Verdagtes glo aangerand

Ondersteuners van Anisha en Joey buite die hof. Foto: ANA

Drie van die sewe mense wat in hegtenis geneem is in verband met die verdwyning van Anisha (30) en Joey (32) van Niekerk van Mooinooi, beweer hulle is tydens hul inhegtenisnemings aangerand.

Die verdagtes, ses mans en ʼn 18-jarige vrou, het Woensdag weer in die Brits-landdroshof verskyn. Hulle het aanvanklik tereg gestaan op aanklagte van moord, ontvoering, roof, die onwettige besit van ʼn vuurwapen en dwarsboming van die gereg. Hulle name is aanvanklik genoem maar moet nou weerhou word, aangesien daar intussen ook ʼn klag van verkragting ondersoek word en hulle eers in die hof moet pleit.

Die hof was volgepak en belangstellendes het selfs in die gange gestaan. Familielede en belangegroepe het swart T-hemde gedra dra met die woorde “Geregtigheid vir Joey en Anisha” en “Geen Borg”.

Pontsho Raikane, een van die beskuldigdes se regverteenwoordiger, het aan die hof gesê sy een kliënt is erg aangerand en het inwendige beserings opgedoen en kon nie in die aande slaap nie. Dié beskuldigde is die beweerde meesterbrein agter die Van Niekerk-paartjie se verdwyning.

“Hy het ’n gebreekte vinger gehad. Hy was so erg aangerand dat daar bloed in sy urine was. Toe hy voorheen in die hof verskyn het, was die regterkant van sy gesig geswel en hy het ’n rooi oog gehad,” het Raikane gesê.

Raikane het gesê ten spyte van sy kliënt se beserings is die man nooit vir mediese behandeling geneem nie. Hy het bygevoeg een van die ander beskuldigdes, wat hy verteenwoordig, se pinkie is gebreek en ’n ander een is aangerand.

Landdros Semakaleng Thamage het beveel dat die ondersoekbeamptes die beskuldigdes binne twee dae vir mediese behandeling neem.

Die borgtogaansoeke is intussen tot Maandag uitgestel aangesien twee beskuldigdes se regverteenwoordigers nie voorbereid was nie. Die verdagtes bly in aanhouding.

Maroela Media het vroeër berig Joey en Anisha is op 10 Desember omstreeks 07:30 die laaste keer in die Mooinooi-omgewing gesien waar hulle saam op ʼn kleinhoewe woon. Hul uitgebrande Nissan X-Trail-sportnutsvoertuig is later in die Magaliesburg-omgewing gevind. Verlede week is beendere gevind wat die polisie vermoed moontlik die oorskot van Anisha en Joey kan wees. Die beendere is vir DNS-toetse gestuur om die oorsprong daarvan te bevestig. Die uitslae van die toetse is nog gereed nie.

Dit het met nadere ondersoek aan die lig gekom dat Joey en Anisha glo ure lank in ʼn skeepsvraghouer gemartel en ook verkrag is. Die motief vir die voorval hou moontlik verband met ʼn eiendomsgeskil. Een van die beweerde moordenaars wou die vroue glo dwing om dokumente te teken wat hul kleinhoewe aan hom oordra.

Hieronder volg foto’s van die skeepsvraghouer waar die gru-dade glo gepleeg is.

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
PH

Ag shame!!!!! Wat moes Anisha en Joey deur gaan. Julle het te lig afgekom. Hulle moes julle nekke gebreek het.

stukgemors

mens moet pasop vir wat jy se oor ek wit is…..maar kom ek se jou jy het lig van dit afgekom , sou jy borg kry dink ek jy moet gereeld oor jou skouer loer want jou dae is getel my vriende en vriendin…mag julle brand in hel…nee stadig op vrot en lei did julle voorland…

mag God se genade oor die twee wat moes lei dra…hulle sal julle wel sien ….en hulle gaan laaste lag..
die mans gaan seker ook nou se hulle is onskuldig ook….gee daai man se plot vir die werkers soos ons nuwe president intend to do!!!vir mahala…

Andries

Aag shame! nout hulle regte! Hoop daai regter sien deur hulle!!! Nous hulle nie meer so tuf nie, dink net wat daai twee arme vroue moes deurmaak, mister tuf guys!!!

Cor

Se eerder hulle is deur hulle medepligtiges aangerand omdat hulle uit gepraat het. Nou word dit gedraai en se ondersoek beamptes het hulle aangerand. Wil altyd net uitdeel , maar as hulle aan die ontvangkant is word hulle tjankbalies en die braafgeit is weg

LC

En hulle het die vermetelheid om te kla oor mishandeling na wat hulle aan daardie 2 mense gedoen het! Hoop Mercia het baie inligting….