Moontlikheid ondersoek dat meteoriet in Oos-Kaap val

Argieffoto: NASA

Argieffoto: NASA

ʼn Rampbestuurspan van die Kouga-munisipaliteit in die Oos-Kaap is na die Baviaans-area ontbied om die moontlikheid te ondersoek dat ʼn meteoriet in die gebied geval het.

Volgens boere in die Patensie-omgewing het hul huise Sondagaand geruk. Inwoners van Cambria het aan The Herald gesê hulle het ʼn blou flits van lig gesien wat die hemelruim verlig het.

Die lig het glo van Jeffreysbaai se rigting na Steytlerville beweeg. ʼn Knal is glo hierna gehoor, wat soos ʼn ontploffing geklink het.

Laura-Leigh Randall, woordvoerder van die Kouga-munisipaliteit, het gesê rampbestuurspanne ondersoek die moontlikheid dat ʼn meteoriet in die gebied geval het. – The Herald

© RDM News Wire

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

9 Kommentare

jongste oudste gewildste
Tobie

Dis net die rand wat nog gedaal het teenoor ander geldeenhede. Niks ernstig nie

Liewe lulu

Dit is die voorvaders wat van Riebeeck kom soek

Ronel

Hoe lekker lag ek nou vir die kommentaar! Hulle julle die mooi wolke gesien in Kaapstad.

n

Jammer ,Nkandla staan nog.

Eliza-beth

Ek hoop Maroela hou ons op hoogte van die bevindinge!