Moord op geliefde Karkloof-boer betreur

(Argieffoto: Lorraine Claasen)

Die boer wat Vrydag in die vroeë oggendure op sy plaas in die Howick-omgewing in KwaZulu-Natal vermoor is, is as die 50-jarige Trevor Murphy geïdentifiseer.

“Murphy was ’n welbekende en geliefde boer in die Karkloof-gebied,” het Chris Pappas, DA-lid van die provinsiale wetgewer, gesê. Volgens Pappas is hy hartseer en kwaad oor die moord op Murphy. “Die DA wil sy medelye betuig met Murphy se familie en die Karkloof-Howick-gemeenskap.”

Murphy is na bewering om 02:00 deur drie aanvallers in sy huis oorval en herhaaldelik met ʼn skerp voorwerp gesteek. Hy is later in die hospitaal dood.

’n Werknemer wat glo ten tye van die voorval aan die slaap in haar kamer was, het in die vroeë oggendure ondersoek ingestel toe sy vreemde geluide gehoor het. In die huis het sy een van die aanvallers betrap waar hy besig was om die slagoffer met ’n skerp voorwerp te steek, terwyl die ander die huis geplunder het.

Die verdagtes het die werknemer glo na ’n ander kamer geneem, haar gesig bedek, haar arms en bene aan ’n stoel vasgebind en die deur gesluit. Sy het daarin geslaag om haarself later te bevry en hulp ontbied.

Die aanvallers het met Murphy se bakkie gevlug en ook onder meer sy selfoon, skootrekenaar, televisie en vuurwapen gesteel.

Volgens Pappas is dit die tweede voorval in die gebied in die afgelope paar maande. “Dit is duidelik dat die SAPD hierdie gebied moet beskou as ’n potensiële brandpunt vir plaasverwante misdade en die nodige hulpbronne moet gebruik om ons boere en plaaswerkers te beskerm. Tot op hede het die provinsiale regering nog net lippediens gelewer rakende die veiligheid van landelike en boerderygemeenskappe.”

Guido Urlings, steundiensbestuurder vir gemeenskapsveiligheid by AfriForum, het vroeër aan Maroela Media gesê daar was vanjaar reeds 13 plaasaanvalle en drie plaasmoorde in KwaZulu-Natal.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Chris dupreez

Ja, laat ons maar sien of die werker regtig onskuldig is

marius

Gebroedsels !

Persheks Adri

Nóg ‘n sinnelose moord! Hoeveel nóg? By die 1ste boer was dit al 1 te veel!

Die polisie gaan niks doen nie gggmmmfff klomp patete! Ons moet onsself beskerm en beslis NIE staat maak op die polisie nie punt.

Werner

Kan sien die da kruip nou weer vir stemme.Stig liewer aktiewe plaaswagte as om heeltyd die aanvalle te betreur dan sal julle miskien iets beteken

Nico

Gaan die polisie dieselfde moeite doen om hierdie skuldiges op te spoor, ek glo nie, dit is mos ‘n wit boer.