Moord op Limpopo-wildboer: Vyf weer in hof

Mona Oosthuizen. Foto: Heritage Protection Group (HPG)

Mona Oosthuizen. Foto: Heritage Protection Group (HPG)

Vyf van die ses mense wat in verband met die moord op Piet Venter (51), die wildboer van die Rooiberg-omgewing, in hegtenis geneem is, sal na verwagting Maandag om borgtog aansoek doen.

Mona Oosthuizen (46), Johannes Joubert (19), Johan du Toit (52), Louisa Ricco (40) en John Johanissen (40) het op 17 November vir die eerste keer in die Bela-Bela-landdroshof verskyn. Die saak is uitgestel en hulle het in aanhouding gebly. ʼn Sesde verdagte, Reuben Miles (29), het op 16 November in die hof verskyn. Sy saak is tot Dinsdag uitgestel wanneer hy na verwagting ook sal aansoek doen om borgtog.

Die Pos berig Oosthuizen was saam met Venter in sy plaashuis toe hy aangeval is. Sy het glo gevlug en gaan hulp soek, maar is kort daarna op die plaas in hegtenis geneem. Joubert is na wat verneem word Oosthuizen se seun.

Oosthuizen en Louisa Ricco tydens hul vorige hofverskyning. Foto: Die Pos

Oosthuizen en Louisa Ricco tydens hul vorige hofverskyning. Foto: Die Pos

Maroela Media het vroeër berig Venter is die aand van 13 November op sy plaas, Chaheng Hunting Safaris tussen Thabazimbi en Bela-Bela, vermoor. Miles is die oggend ná die moord in hegtenis geneem terwyl die ander vyf verdagtes binne 24 uur daarna in hegtenis geneem is.

Venter het geslaap toe ʼn onbekende aantal mense toegang tot sy plaashuis bekom en hom oorweldig en vermoor het. Voorlopige ondersoek dui daarop dat hy verwurg is.

Die aanvallers het met die boer se kluis van die toneel gevlug. Die gesteelde kluis, met ʼn vuurwapen, ammunisie en kontant, is kort daarna in ʼn veld buite die dorp opgespoor.

Klik hier vir alle vorige berigte oor die saak op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Asjas

Wit mense wat wit mense vermoor en dan soos plaasaanvalle probeer laat lyk. Ek is is geskok in die wit mensdom …

Viljoen

Die vrou wou seker die huis en n lewens polis kry of iets daaruit kry.
Deesdae moor mense vir baie minder as dit

Johann Marx

Asjas, jy sê dit self: “Mens-dom”. Nie mens-slim nie. Mensdom.

BoereBikerBaby

Dit maak mens siek hoe ons wittes mekaar ook uitmoor. Asof ons boere nie al klaar teiken is by ander aanvalle nie. Is siek hoe mense mekaar kan uitmoor vir geld – wonder net of hul ooit sou skuld gevoel sou he oor wat hul gedoen het…

Lourens Morkel

Ek dink Viljoen is op die regte spoor. Die feit dat dit witmense is verbaas my glad nie.