Moord op sakeman: ‘Ons harte is stukkend’

Clint en Retha Moorcroft

Clint en Retha Moorcroft

Clint Moorcroft is Sondag in die vroeë oggendure in die nek geskiet en is kort daarna oorlede, nadat vier gewapende mans toegang tot sy huis in die Golden Mile-landgoed by die Witbankdam gekry het.

Moorcroft se vrou, Retha, het die nuus op Facebook bevestig. “Dit is vir my die moeilikste om te doen. Ons is Saterdagaand omstreeks 00:00 deur vier gewapende mans aangeval. Clint het op bank gelê en slaap en ek het nog ʼn fliek gekyk. Die twee honde wat langs my op die bank gelê het, het vreeslik begin blaf. Ek sê nog vir hulle, nee man vir wie blaf julle so?”

Volgens Retha het Clint wakker geword en gesien vier mans staan agter die bank waar sy sit. “Hy het op hulle geskreeu en op hulle afgestorm. Hulle het uitgehardloop op die stoep en toe klap die skoot en Clint val net daar neer op die vloer in die huis.”

Twee van die mans het Retha hierna genader en ʼn vuurwapen op haar gerig. “Hulle het vir my gewys ek moet stilbly. Hulle het die agterdeur heeltyd dopgehou so asof hulle verwag het die bediende gaan daar instorm. Hulle vra vir niks en praat niks. Die een het Clint se werksfoon op die koffietafel gaan vat en toe beduie hy soek die hangertjie om my nek. Hy het hom kom afruk want ek kon hom nie vinnig genoeg afhaal nie.”

Die verdagtes het ook na haar oorbelle beduie. “Ek het dit afgehaal, maar hulle het gevlug voordat ek dit vir hulle kon gee. Dit was een groot nagmerrie. Ons harte is stukkend. Wat gaan ons doen sonder die anker in ons lewens?”

Retha het gesê Clint is deur die nek geskiet en is binne minute oorlede. “Ek besef nou daar is so baie mense wat omgee. Deur al die boodskappe weet en besef ek hoe geliefd hy was en wat hy beteken het vir so baie mense. Gelukkig het ons ʼn ongelooflike ondersteuningsnetwerk.”

Moorcroft was ʼn bekende sakeman in die Witbank- en Middelburg-omgewing. Hy laat sy vrou en twee kinders agter.

Maroela Media poog sedert Sondag om kommentaar van die polisie te kry oor die voorval maar sonder sukses.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
Bets Bothma

Klink of dit binnekring was hierdie – hoekom het hul nie gepraat nie – bang hul stemme word herken? Klink ook nie of daar baie gesteel is nie? Wat was die doel vd inbraak dan?

Acca

Die is rassisme in die hoogste graad waar wit mense uitgemoor word en niemand maak ‘n bohaai nie. Hoekom teiken hulle die mense so. Waar is slapgat DA wat sy mond vir alle wit op swart situasies oopmaak maar nou tjoepstil is. Kom DA be wys die teendeel of het julle nie ruggraat nie. Is julle bang julle is polities verkeerd. Die mense wat so moor is barbaars. Wit of swart wat moor is barbaars

Tali

Slang in die gras, dalk?

Isabel Moolman

O jitte, hier kom die aspirant speurdertjies weer na vore. Nie een van julle was daar nie, die gevolgtrekkings wat julle maak is dus nie van waarde nie.

My simpatie aan die res van die gesin.

Magnum

Ja hier gaan hulle alweer, beskuldig alles en almal, sonder enige feite.
Selfde klomp wat laas ook so aangegaan het en toe tjoepstil is toe die verdagte die skoonseun is.