‘Moordenaar’ vas by begrafnis van vermoorde konstabel

Argieffoto

Argieffoto

ʼn 36-jarige man is in hegtenis geneem terwyl hy die begrafnis bygewoon het van die polisiebeampte wat hy glo vermoor het.

Kapt. Andre Beetge, woordvoerder van die polisie, het gesê die verdagte het die begrafnis van konst. Nomathamsanqa Ivy Tsitsi in Port Elizabeth bygewoon toe hy in hegtenis geneem is. Tsitsi is op 12 November in Motherwell vermoor.

Volgens Beetge is dit die derde verdagte wat in verband met Tsitsi se moord in hegtenis geneem is. Die verdagte sal op 3 Desember in die Motherwell-landdroshof verskyn op aanklag van moord.

Lt,genl. Celiwe Binta, provinsiale polisiekommissaris, het haar tevredenheid uitgespreek met die inhegtenisneming van al die verdagtes in die saak. “Dit wys ons toewyding om te verseker dat diegene wat polisiebeamptes aanval en vermoor aan die pen sal ry.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
Peet Schabort

Wil jy nog meer . . . !!!

Johann Marx

‘n Mens lees die berigte op Maroela en wonder “Wat het hierdie persoon gedink?’ Wat “dink” jy terwyl jy jou loopbaan as dokter op die spel plaas deur ‘n swanger vrou te verkrag? Wat “dink” jy as ‘n onderwyser doodskiet met jou dienspistool omdat hy by jou “girlfriend” kuier? Wat “dink” jy as jy ‘n ander polisieman se dienspistool gryp en jouself in die kop skiet?” Wat “dink” jy as jy by die begrafnis opdaag van die polisielid wie jy vermoor het? Hoe meer ek hierdie berigte lees, hoe meer kom ek tot die besef dat daar heelwat individue is… Lees meer »

HEVW

Wanneer iets algemeen raak soos moord tans, dan is dit nie vreemd dat die moordenaars so mak sal raak nie.

Skim

Miskien is ek net swartgallig. Miskien is my gemoed net so grou soos die weer vanoggend, maar dis wat jy kry as kriminele nie meer respek het vir jou land se wette en gereg nie……

neelsie

As jy na die gedagtegang van n ene Malema kyk , dan besef jy dat die denkvermoe ver tekortskiet.