Moordklag teen oupa ná skietery ‘kommerwekkend’

Giel Fourie. Foto: Verskaf

Die VF Plus sê dit wek groot kommer by die party dat ʼn 65-jarige man in hegtenis geneem is en van moord aangekla word nadat hy homself en sy gesin volgens alle aanduidings teen ʼn gewapende inbreker wou beskerm.

“Dit is die plig van die regering om die publiek deur die reg en die polisie teen misdaad en in die besonder geweldsmisdaad te beskerm,” sê dr. Pieter Groenewald, VF Plus-leier, “en wanneer hierdie plig nie nagekom word nie, het die publiek die volste reg om homself te beskerm.

Giel Fourie (65) van Grabouw in die Wes-Kaap is verlede week met ʼn mes aangeval waarna hy eers ʼn waarskuwingskoot geskiet, en die inbreker daarna twee keer in die bors geskiet het, het Maroela Media gister berig.

Sy vrou, Susan (62) en elfjarige kleinkind was ook in die huis. Fourie is later op die toneel in hegtenis geneem.

“Dit is ook kommerwekkend dat daar in die jongste tyd voorbeelde was van uitsprake wat die indruk skep van politieke uitsprake en nie meriete-uitsprake nie,” sê Groenewald. “Die Coligny- en doodskis-saak is voorbeelde hiervan.”

Hy meen dit sal “ʼn kwade dag wees as die publiek van Suid-Afrika, wat homself toenemend teen misdaad moet beskerm, nie meer die beskerming van die polisie en die objektiewe beskerming van die regbank geniet wanneer daar uit selfverdediging opgetree word nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

78 Kommentare

jongste oudste gewildste
Pieterv

Laat hierdie n toets saak wees. Die “All Non Compliant” moet nou baie versigtig trap.

Koos de Meyer.

Absoluut belaglik. Moet jy nou maar wag dat hy jou dood maak voor jy iets mag doen. So siek as wat kan kom. Daar is net sekeres wat humanitêre regte het.

Heinrich van Zyl

Alles goed en wel om te sê dit “wek kommer”.
Maar gaan die VF+ darem ten minste iets probeer doen om die ou te help?
Of gaan dit by praat (en praat en praat) bly?
Ek is net ‘n gewone outjie, so ek weet nie of daar iets is wat ons gewone mense kan doen nie, maar ‘n politieke party het darem sekerlik bietjie meer “mag”?
Dis tog immers hoekom mense vir politieke partye stem, naamlik om dinge te doen.
Anders kan jy maar net sowel vir jou buurman stem wat net saam met jou om die braaivleisvuur praat.

Irma

Die faksies id ANC is net so besig id SAPD en dit gaan waarskynlik net oor die feit dat hy vd blanke ras is. Hulle wil tog so graag vir ons almal wys wie is in beheer. Wette? Dis gemaak vir hul vyande nie vir hulle nie.

Chris Ws

Dankie dr.Groenewald,u is die enigste persoon/party wat enigsins iets oor die’ voorval se.Dit is ‘n skande dat ‘n 65 jaige man, na hy homself en gesin verdedig het,in hegtenis geneem word en dan nog R500 borg geld moes betaal.Dis net nog ‘n spyker in die polisie se geloofwaardigheids kis .As kind is ek,wat nou ook 65 is,geleer ‘n polisieman is jou vriend,maar dis lankal by die venster uit en my vertroue in die polisie bestaan nie meer nie.