Moot-man in huis doodgeskiet

Casper Venter.

Casper Venter.

Casper Venter (51) is Donderdag in die vroeë oggendure in sy huis in Villieria in Pretoria se Moot-gebied doodgeskiet.

Kapt. Anton Breedt, woordvoerder van die polisie, het gesê ʼn buurman van Venter het op sy lyk in ʼn leefgedeelte in die huis afgekom nadat Venter se vrou hom om hulp gebel het. Venter se vrou het ʼn skoot hoor afgaan en toe die buurman ontbied. Volgens Breedt het die voorval omstreeks 02:30 plaasgevind.

Renata Erasmus, woordvoerder van Life Med-ambulansdienste, het gesê Venter is op die toneel in Beyersstraat dood verklaar. Hy is in die bors geskiet.

Volgens Breedt vermoed hulle in dié stadium dat Venter moontlik ʼn inbreker betrap het en toe doodgeskiet is. “Ons ondersoek al die moontlikhede.”

Die polisie ondersoek ʼn saak van moord.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
CAV

Alle sterkte aan die gesin –

gerdi

sjoe dis erg

izak

Die goedkoop lewe van nog ‘n wit man in SA. Geen openbare verklaring deur enige amptelike regeringsinstansie nie. Maar as dit ‘n swart slagoffer was…..dan was dit voorblaaie.
#boerelegioen

Pierre

Dit is tragies, hy was goeie vriend en het nie geskroom om iemand te help nie. Wereld is vandag baie armer sonder hom. Hoop die vuilgoed word gevang…

Harry

My hart is stukkend. Rus in vrede Casper.
Seker een van die beste mense wat ek geken het. Hy was altyd bereid om iemand anders te help.
Diana en familie, baie sterkte. Ek dra julle in my gebede. Casper is te vroeg gevat, maar my troos is dat God altyd reg doen.