Moot-moord: Skoonseun hoor dalk van borgtog

Stefan Visser. Foto: Facebook

Stefan Visser. Foto: Facebook

Slotbetoë word Woensdag in die Pretoria-landdroshof gelewer in die borgtogaansoek van Stefan Visser (29) wat verdink word van die moord op sy skoonma, pastoor Elsabe van Niekerk (55).

Visser se aansoek om borgtog word as ʼn skedule 6-misdryf aangehoor, wat beteken hy moet kan bewys dit is in belang van geregtigheid om op borgtog vrygelaat te word en dat hy buitengewone omstandighede hiervoor kan bewys.

Die staat staan die aansoek teen en meen Visser is ʼn vlugrisko en hou ʼn gevaar vir die samelewing in aangesien hy glo drie maande voor Van Niekerk se moord gedreig het om Van Niekerk en die res van die gesin te vermoor waarna hy sou selfmoord pleeg.

Visser se regspan voer aan dat hy nie alles kan onthou wat tydens van Van Niekerk se moord gebeur het nadat sy hom oor sy vaderlike verpligtinge gekonfronteer het nie. “Vir iemand om iemand anders 31 keer met ʼn mes te steek en vier keer te sny, kan aandui dat só ʼn persoon nie by sy volle bewussyn was nie. Hy kon geknak het en bewussyn verloor het,” het Philip van Staden, Visser se prokureur, vroeër tydens die aansoek gesê.

Van Staden het gesê hulle sal tydens die verhoor spesialiste kry om Visser se geestestoestand na te gaan en te getuig oor die term “gesonde outomatisme”. Die term word deur kriminele verdediging gebruik wat ontken dat die beskuldigde strafregtelik verantwoordelik is vir sy optrede, omdat hy nie bewus was van sy optrede toe die misdryf gepleeg is nie.

Visser het op 14 April vir die eerste keer in die hof verskyn nadat hy op 11 April in hegtenis geneem is, ure ná die moord op Van Niekerk in Pretoria se Moot-gebied. Visser en Van Niekerk se dogter, Leandri Visser, was in die proses om te skei toe die moord plaasgevind het. Hulle het twee kinders.

Van Niekerk het as pastoor gewerk by die Herlewingslig-sentrum in Zandfontein en was ook ’n omroeper op Rainbow Gospel Radio. Sy laat haar man, Dirk, twee kinders, Leandri (29) en Benjy (20), en twee kleinkinders, Juan (5) en Micayla (3), agter.

Lees alle vorige berigte oor Stefan Visser op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Karma

“Hy kon geknak het en sy bewussyn verloor het” … voer Van Staden se prokureur aan – nou hoe (as dit nou hy was) kon hy sy “soon-to-be” gewese-skoonma soveel keer gesteek en gesny het? Jhô-jhô, die goed waarmee regslui vir die verdediging ook darem mee kan opkom! En as hy nou al soveel maande terug gedreig het om sy gesin en aangetroude familie te vermoor en dan homself te dood, hoekom is daar nie ‘n saak by die SAPD en maatskaplike werkers aanhangig gemaak nie – of is daar? Dit was in elk ‘n “over-kill” dié moord!

Pieter

Of jy is baie kwaad en hou aansteek sonder ophou???

Gesiggie

Die man sal enige iets probeer doen om die saak nog langer te laat duur… en laat hul hom op borgtog uit… gaan hy vlug”’ hy is nou kamstig geestelik verstreur? iemand wat instaat is om 31 keer iemand met n mes te steek…en nog 4 keer te sny”’ ja defentief is daar iewers iets nie pluis” maar ja hy het geknak” en as jul hom op borgtog vrylaat, kan hy dalk weer snap”’ hou hom agter tralies, tot die saak opgelos is… hy is n gevaar vir die buite lewe…

bytjie

wat vir my snaaks is hkm word daar besluit oor borg as hy so wreed kan moor of hy nou gesnap het of wat ook al die verskoning is so elk een kan nou moor en dan se ek kan nie onthou en dan maar op borgtog gaan

Anoniem

Ek het ook met so ‘n persoon te doen gekry. Hulle dreig en dreig en dreig. (Wou ouers al opblaas met gasbottel) Bekom mens ‘n beskermsbevel, verontagsaam hulle dit eenvoudig. Sy kinders is steeds in gevaar, die Gesins Advokaat wat VERONDERSTEL is om die saak te ondersoek, reik dagvaardiging uit vir alcohol toetse ens. Hy ignoreer eenvoudig die dagvaardiging, en geen van die psigiaters wat met hom gewerk het is bereid om hand op papier te sit nie. As daar dan nou WEER so iets gebeur soos met Stefan Visser dan was almal hulle hande in onskuld en vra hoekom?