Moot-moord: Verdagte wil ‘nuwe feite’ voorlê

Visser Vrydag in die hof.

Visser Vrydag in die hof.

Stefan Visser (28), wat aangekla word van die moord op sy eksskoonma, Elsabe van Niekerk (55), het Vrydag in die Pretoriase landdroshof verskyn.

Die saak is tot 17 Mei uitgestel. Die ondersoekbeampte is in die hospitaal en kon dus nie Vrydag in die hof wees nie. Die staat het toe versoek dat die saak uitgestel word. Visser het intussen aangedui dat hy “nuwe feite” onder sy prokureur se aandag wil bring. Hy bly in aanhouding tot sy volgende verskyning wanneer hy na verwagting om borgtog sal aansoek doen.

Visser het op 14 April vir die eerste keer in die hof verskyn nadat hy Maandag 11 April in hegtenis geneem is, ure ná die moord op Van Niekerk. Visser is die eksman van Van Niekerk se dogter, Leandri Visser. Hulle het twee kinders.

Die staat het tydens die vorige hofverskyning aangevoer dat die beskuldigde die Sondag voor die moord in ʼn stryery oor die kinders met Van Niekerk se man, Dirk, betrokke was. Die beskuldigde het toe glo die volgende dag na die huis in 8ste Laan in Gezina gegaan waar hy ook ʼn woordewisseling met Van Niekerk gehad en haar glo met ʼn mes doodgesteek het.

Die verdagte is later die dag by die huis van sy nuwe vriendin se ouma in die Rietondale/Queenswood-omgewing in hegtenis geneem.

Van Niekerk het as pastoor gewerk by die Herlewingslig-sentrum in Zandfontein en was ook ’n omroeper op Rainbow Gospel Radio. Sy laat haar man, Dirk, twee kinders, Leandri (29) en Benjy (20), en twee kleinkinders, Juan (5) en Micayla (3), agter.

Lees alle vorige berigte oor Stefan Visser op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

37
Nou pra' jý

Jy moet deel van Maroela-fontein wees om kommentaar te lewer.

of word deel

25 Kommentators

37 Kommentare

jongste oudste gewildste
Gesiggie

Ag ja, so nou moet ons nog langer wag, om te hoor, wat met hierdie man gaan gebeur? en wat se nuwe feite wil jy nou onder die staat se aandag bring Mnr Visser”’ niks wat jy gaan probeer doen, sal jou saak verander, jy het n vrou se lewe geneem… en moet boet daarvoor… n Familie is uitmekaar geskeur… en jy is die rede… sien uit om die storie weer te lees..sterkte aan die gesin en familie van Mev Van Niekerk

E

Shoe, die familie lyk almal na sulke ordentlike mense. So tragies dat sulke dinge met van die bestes gebeur. Dit wat gebeur het is vreeslik. Mag die Here met hierdie familie wees.

Koos

N saak het 3 kante. n A kant, n B kant, en die waarheid. Oordeel maar ou Gesiggie. So sal jy ook eendag geoordeel word. Jesus het n moordenaar aan die kruis saam Hom Hemel toe geneem. Moord is moord ja, maar elke saak het sy meriete.

Gerd Lourens

Sluit hom toe – vir ‘n laaaang tyd!!!

Gesiggie

Ag regtig Koos, moord is nie n uitweg… en ek oordeel nie, maar die man het n lewe geneem ”’ sou jy happy gevoel het, as iemand so iets aan jou familie doen??