Argieffoto Foto: SAPD, Facebook
ʼn 33-jarige polisiebeampte het Donderdag in Kwanonqaba naby Mosselbaai eers sy vrou geskiet voordat hy homself geskiet het.
“Konstabel Zingisa Ntlemeza en sy vrou het blykbaar gestry,” het kapt. Bernadine Steyn, woordvoerder van die polisie in die Wes-Kaap, gesê. “Hy het haar geskiet voordat hy selfmoord gepleeg het.”
Die 30-jarige vrou is in ʼn stabiele toestand in die hospitaal. Sy is in die skouer getref. “Ons ondersoek ʼn saak van poging tot moord en sal ʼn geregtelike doodsondersoek doen.” -SAPA
