Motief vir Bela-Bela-plaasmoord onbekend

boer-windpomp-plaas-reint-dykema-7.jpg

Foto: Reint Dykema

Die polisie in Limpopo het gesê dit is nog nie duidelik wat die motief vir die moord op ʼn 36-jarige man was wie se liggaam Dinsdagoggend buite sy kombuisdeur op ʼn kleinhoewe buite Bela-Bela aangetref is nie.

Lt.kol. Moatshe Ngoepe, woordvoerder van die polisie, het die oorledene as Ryno Janse van Rensburg geïdentifiseer. Hy het gesê Janse van Rensburg is gisteraand omstreeks 19:30 vir die laaste keer lewend gesien voordat hy na sy huis op die kleinhoewe in die Roodekuil-gebied gegaan het.

“Vanoggend omstreeks 07:50 het een van die oorledene se medewerkers op sy liggaam afgekom,” het Ngoepe gesê. Hy wou nie bespiegel oor die oorsaak van Janse van Rensburg se dood nie, maar Maroela Media verneem Janse van Rensburg het veelvuldige kopwonde gehad.

Volgens Ngoepe is die motief vir die moord nog nie bekend nie en niemand is nog in hegtenis geneem nie. Mense met meer inligting word versoek om kapt. Richard Boshomane by 084 322 1341 of die naaste polisiestasie te bel.

Die moord op Janse van Rensburg is een van verskeie aanvalle op plase en kleinhoewes in Limpopo in die afgelope paar weke. Pieter Hendrik Pieterse (57) is verlede week in die vroeë oggendure op ʼn plaas in die Lephalale-distrik (Ellisras) oorval en met ʼn swaar voorwerp aangerand. Hy is op pad na die hospitaal dood.

ʼn Bejaarde egpaar is Sondag in die vroeë oggendure op ʼn kleinhoewe in die Constantia-omgewing, naby Letsitele oos van Tzaneen, erg aangerand en beroof. ʼn 62-jarige man is op 3 Februarie in die vroeë oggendure in die Leeupoort-vakansiedorp in die Rooiberg-distrik buite Bela-Bela aangeval en doodgeskiet terwyl sy vreesbevange vrou in die badkamer weggekruip het.

Op 19 Januarie is Richard en Anika Wiggel, albei in hul 70’s, op ʼn plaas in die Haenertsburg-gebied in Limpopo aangeval, vasgebind en aangerand. Net ʼn dag later is nog ʼn bejaarde egpaar, wat verkies om anoniem te bly, in dieselfde gebied op ʼn kleinhoewe in die omgewing oorval, vasgebind en aangerand.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
M'Lady

Die motief is : VOLKSMOORD.

Adri

Plaasmoorde, soos ander moorde op blankes, is polities gedrewe en het NIKS met roof te doen nie. Die vieslike duiwelse manier waarop hierdie moorde gepleeg word wys dit is rassisme en boos-gedrewe!

cor

Alweer een en die polisie weet nie wat die motief is nie, elke regdenkende blanke persoon behoort te weet die motief is n aanslag op die blanke en dit begin op die platteland . n Leier het dit pertinent by verskeie geleenthede beklemtoon. Daar is nie eers ‘n reaksie by die mense regte kommissie op die klagtes wat gele is nie.

Milan

Is hierdie dalk die “radical economic change” wat homself hier afspeel?

cor

Die moorde is erger as die dreigende herfs kommando wurm plaag wat ook in die noorde begin het en eers ontken is.