Motlanthe internasionaal vereer

Oudpresident Kgalema Motlanthe (Foto: ANA/Nhlanhla Phillips)

Oudpres. Kgalema Motlanthe het ʼn internasionale vredesprys ontvang.

Motlanthe is in November met die Internasionale Gusi-vredesprys vereer vir sy prestasies in die veld van staatmanskap en veral sy politieke leierskap en diens in die ANC.

Die Kgalema Motlanthe-stigting het dié nuus in ʼn verklaring Dinsdag aangekondig. Die prys is tydens Motlanthe se besoek aan die Filippyne in Suidoos-Asië oorhandig. Die toekenning vereer leiers vir hul bydrae tot wêreldvrede, respek vir menswaardigheid en vooruitgang. Bekroondes word ook vereer vir hul werk om menseregte, demokrasie en gelykheid te bevorder.

Motlanthe, wat ná oudpres. Thabo Mbeki vir ʼn wyle aan die stuur was voordat oudpres. Jacob Zuma die leisels oorgeneem het, het later een van Zuma se felste kritici geword.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

7 Kommentare

jongste oudste gewildste
Johanna Botha

Wat kry zuma ….flop van die dekade !

Danie

Ek wonder hoekom was hy nooit gekies om by Mbeki oor te neem nie.
Suid-Afrika sou beslis in ‘n beter omstandighede gewees het vandag.

Hennie

Somalia borg seker die prys….of Rusland…

Peper

Ja nee kyk, in die nuwe wereld is almal mos wenners en word vereer.

Willie

Wat was sy verhaal in die Landbank???