Motorfiets ry tiener dood

Argieffoto (Foto: AlexVan, Pixabay)

Argieffoto (Foto: AlexVan, Pixabay)

ʼn 15-jarige meisie is Donderdagmiddag in Ventersburg in die Vrystaat deur ʼn motorfiets doodgery.

Sers. Mamello Mokhuoane, polisiewoordvoerder, het gesê die ongeluk het omstreeks 18:25 op die R70 plaasgevind.

“Daar word beweer dat die meisie deur die 53-jarige bestuurder van die motorfiets getref is, toe sy die pad probeer oorsteek het,” het Mokhuoane Vrydag gesê. “Die meisie was saam met haar vriende wat op ʼn plaas in die buitewyke van Ventersburg woon. Hulle het saam na ʼn ryloopplek gestap toe die ongeluk plaasgevind het.”

Die Ventersburg-polisie is na die toneel ontbied. Die tiener is op die toneel dood verklaar. Haar naasbestaandes is van haar dood in kennis gestel. Die motorfietsbestuurder het geringe beserings opgedoen.

Die polisie ondersoek ʼn saak van strafbare manslag.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Luister

Gevalle van onnatuurlike dood moet so ondersoek word.

Gesiggie

Wie se skuld is dit? as die meisie die pad oorgesteek het sonder om seker te maak, kon die persoon op die motorfiets nie vinnig genoeg uitswaai of stop.. n mens weet nie op watse spoed hy gery het nie…voetgangers vat kanse, en dit gebeur daagliks dat iemand raak gery word…. dit is na 6 … dit begin al vroeg donker word nou in die winter? heel moontlik het die man haar nie betyds gesien… voel jammer vir die meisie.. voetgangers moet seker maak voordat hul besluit om n pad oor te steek…sterkte aan die Familie en aan die man… Lees meer »

Knapie

Daar bestaan ook die moontlikheid dat die motorfietsryer teen n supersoniese spoed beweeg het en die oorledene haar net misgis het met die tyd wat sy het om d pad veilig oor te steek…

snoefie

al weer n geval van padverkeersreels wat nie deur voetgangers erken word nie. of eenvoudig dat hulle dit nie ken nie of hulle gatte daar aan afvee.

Wat-ek-lees

Koplig aan ?