Motorfietsmoord: Drie hoor oor borgtog

Chris en Rouxnet Williams. Foto: Facebook

Die drie verdagtes in die moord op ʼn man van Mokopane wat sy motorfiets wou verkoop, is Donderdag op borgtog van R1 000 elk vrygelaat.

Brig. Motlafela Mojapelo, Limpopo-polisiewoordvoerder, sê die drie moordverdagtes, Kgabudi Ramaboya (20), Sello Donald Nkoana (31) en Ramabula Maumela (28) sal weer op 14 Maart in die hof verskyn nadat die saak uitgestel is vir verdere ondersoek en in afwagting van die nadoodse en forensiese verslae.

Chris Williams (31), ʼn elektromeganikus by Anglo Platinum wat vyf maande gelede getroud is, is op Maandagaand 14 Januarie by sy huis met ʼn mes doodgesteek nadat ʼn vermeende koper, vergesel van twee makkers, kom kyk het na ʼn motorfiets wat hy geadverteer het.

Mojapelo het vroeër gesê die drie beskuldigdes is die volgende aand in hegtenis geneem op verskillende plekke om die dorpie Ramokgopa naby Mankweng in die Botlokwa-polisiegroepering, sowat 25 km wes van Polokwane.

Die polisie het op inligting gereageer. Met hul inhegtenisneming is ook beslag gelê op ʼn silwergrys Isuzu-bakkie waarmee die drie glo by Williams se huis opgedaag het.

Die polisie het ʼn selfoon van een van die verdagtes gekonfiskeer en die oorledene se karsleutel en enkele kledingstukke van hom teruggekry.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
Koos de Meyer.

Wat ‘n sirkus.

GM

Verbaas dit enige iemand?

Eben

Dit is eenvoudig skrikwekkend dat iemand so maklik borg kry vir so gruweldaad wat in elk geval vooraf beplan was. Die mense het geweet dat hulle dit gaan doen, hulle was dan gewapen met hul aankoms. Absolute tragedie!!!!!

Willem Grobler

R1000 borgtog vir moord? Een ding is seker – hulle kan nie wit wees nie!

Belaglik

Dis flippen belaglik man!