Motorfietsryer beland in kaktusse om ongeluk te vermy

Argieffoto (Foto: AlexVan, Pixabay)

Argieffoto (Foto: AlexVan, Pixabay)

ʼn Motorfietsryer is Sondag in ʼn kritieke toestand na ʼn Gautengse hospitaal geneem nadat hy onder meer tussen kaktusse beland het om ʼn botsing met ʼn stilstaande voertuig te vermy.

Athlenda Mathe, woordvoerder van Netcare 911, het gesê die voorval het omstreeks 16:30 naby die aansluiting van Olga Kirsch- en Helgaardstraat in Vanderbijlpark plaasgevind.

“Volgens inligting van die toneel het die motorfietsryer vermoedelik vir ʼn stilstaande voertuig uitgeswaai. Sy motorfiets het teen ʼn muur langs die pad gebots, waarna die man tussen kaktusse beland het,” het sy gesê.

Die man is op die toneel gestabiliseer en weens sy kritieke toestand moes hy met ʼn helikopter van Netcare 911 na ʼn traumahospitaal in Johannesburg geneem word vir verdere behandeling.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
thelsa

Ek kom nie van die plaas af nie maar ken die verskil tussen poefies en modder. Hoekom kom die woord “SPOED” eerste by my op. . . . stilstaande voertuig uitswaai . . tref muur langs die pad . . . huh ????? en dit alles @60k/uur.

Cherokee

Deur ‘n onbedagsame motoris het die motorfietsryser in die eerste paragaaf van die vetplante beland. En thelsa, jy kom beslis van die plaas af. ‘n Vêr afgeleë plaas andersins sou jy besef het wat 60-kmu na ‘n eensklaps 0-kmu beteken.

Kobus

As jy nie ‘n motorfietsryer is nie… moet eerder nie kommentaar lewer nie…

Landsverraaier

Sy laaste woorde was seker “Ag kaktus”. Hoop hys weer gou op sy voete!

Peter

so sad dat die eerste 7 hoog geleerde skrywers stry oor dits en dats, nie een van hierdie slim outjies het meegevoel met iemand wat in n erinstige toestand per helicopter na n hospital is en miskien nog veg om te lewe, bid eerder dat hierdie man sal herstel