Motorfietsryer se been deurboor

Argieffoto: Kent Williamson

ʼn Motorfietsryer se been is Saterdag deur stukke van sy motorfiets deurboor nadat hy in ʼn botsing betrokke was.

Chris Botha, woordvoerder van Netcare 911, het gesê paramedici is Saterdagoggend na ʼn toneel in Langstraat in Kimberley uitgeroep waar hulle die man aangetref het. “Die motorfiets was in ʼn botsing met ʼn bakkie betrokke,” het Botha gesê.

“Toe die paramedici daar opdaag was daar stukke van die motorfiets wat die man se been binnegedring het. ʼn Vrou wat ʼn passasier in die bakkie was, het net geringe beserings opgedoen. Albei is op die toneel gestabiliseer en na onderskeie hospitale vervoer.”

Die oorsaak van die ongeluk word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.