Motorfietsryer sterf in botsing

Foto: ER24

Foto: ER24

ʼn Man in sy 40’s is dood nadat sy motorfiets met ʼn bakkie gebots het, op die R711 tussen Clarens en Fouriesburg in die Vrystaat.

Russel Meiring, woordvoerder van ER24, het gesê paramedici het die bakkie in die middel van die pad gevind, terwyl die motorfiets in die veld langs die pad gelê het.

“Paramedici het die motorfietsryer ondersoek. Hy het verskeie beserings opgedoen, maar daar was niks wat paramedici vir hom kon doen nie en hy is op die toneel dood verklaar.”

Volgens Meiring is die bestuurder van die bakkie nie beseer nie. Die presiese oorsaak van die botsing word ondersoek maar sover lyk dit asof die bakkiebestuurder nie die motorfietsryer raakgesien het toe hy van die hoofpad afgedraai het nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Susan Hurter

Ons het verby die motorfietsryers gery. Hul het gewag dat die pad voor hul oop is en dan resies gejaag, nogmaals baie hartseer.

Vrae

Weereens ‘n klomp vrae wat gevra sal word. Spoed van motorfiets? Ligte aan van motorfiets? Kleur van motorfiets teen agtergrond? Bestuurder van bakkie se gesigsvermoë? Bestuurder van bakkie wat motorfiets nie sien nie? Bestuurder van bakkie wat ‘n kans vat om te draai en reken hy sal dit maak? Bestuurder van bakkie net doodeenvoudig nalatig?
Hoe dit ookal sy is daar net een oplossing: Elke voertuig moet met ‘n kamera toegerus word wat deel is van die voertuig se padwaardigheid. Luister u, minister Peters?

Stoney

Think bike.

Magda

Dit is baie hartseer. Baie keer as ek op die N1 ry en n motorfiets kom tussen motors gejaag en ons ry klaar 120 plus dan dink ek hoe lank gaan jy nog leef? Ek en my man was ook motorfiets bestuurders , maar het gery asof ons in n motor bestuur. Dit is n wonderlike gevoel om op n motorfiets te ry ek kan dit nie beskryf nie maar jy is baie kwesbaar.

Buitestander

Die is vir my weer net ‘n bewys dat baie bestuurder se gesig swak is.
Oog toetse word nie gereeld gedoen nie wat nie net bestuurder se lewe in gevaar stel nie maar baie ander se lewens.
‘n Groot asseblief aan alle bestuurders jy weet presies wanneer jy nie meer goed kan sien nie. Laat jou oë toets en voorkom ongelukke.