Motorfietsryer sterf in botsing

Die motorfiets se wrak. Foto: Netcare 911

ʼn 34-jarige motorfietsryer is Vrydag in ʼn botsing in Bloemfontein dood.

Annine Siddall, woordvoerder van ER24, het gesê die motorfiets en ʼn minibustaxi het op die hoek van President Boshoffstraat en Parkweg in die Willows gebots.

“Paramedici is omstreeks 10:30 na die toneel ontbied. Die motorfietsryer is tydens die impak van die motorfiets afgestamp en hy het ʼn heining langs die pad getref,” het sy gesê.

Paramedici het vir nagenoeg 45 minute tevergeefs gepoog om sy lewe te red en is hy op die toneel dood verklaar.

Die presiese oorsaak van die botsing is nog nie bekend nie en word deur owerhede ondersoek.

Die taxi. Foto: Verskaf

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
LMF

Vat seker n kans nou om te sê as daar taxi betrokke is weet ons mos die oorsaak maar by gesê ons weet ook van motorfiets ryers so jammer oor afsterwe en baie sterkte aan die families

Wonder

Moet daar nie nou n saak geondersoek word . taxi . .. Moord

Paul

Moenie so gou afleidings maak nie. Motorfietse is ook nie engeltjies op die pad nie en verkeersreëls bestaan nie eintlik vir hulle nie, want hulle weet hul nommerplate is nie altyd behoorlik sigbaar nie.

Ek

Natuurlik weer n taxi!!!

Leahim

Ek gaan ook die taxi skuld gee ,motorfietse oortree meestal die spoedgrens maar taxis steur hulle aan geen padreels nie.