Motorfietsryer sterf in Moreletapark-ongeluk

Foto: Netcare 911 (verskaf)

Foto: Netcare 911 (verskaf)

ʼn Motorfietsryer is Donderdagaand in ʼn ongeluk voor die Pretoria-Oos-hospitaal oorlede.

“Die ongeluk het op die hoek van Garsfontein- en Netcareweg in Moreletapark plaasgevind,” het Santi Steinmann, woordvoerder van Netcare 911, in ʼn verklaring gesê. “Die 31-jarige man is op slag dood. Hy is op die toneel dood verklaar.”

Volgens Steinmann het die man se motorfiets die bestuurderdeur van ʼn motor getref. Die pad was besaai met wrakstukke van die motorfiets.

“Die bestuurder van die motor is ongedeerd.”

Die polisie ondersoek die oorsaak van die ongeluk.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Landie

Almal jaag mos oor rooi robotte asof hulle betaal word. En by daardie selfde kruising staan motors/taxi’s/motorfietse in die draaibaan om dan net as die lig groen word reguit oor te jaag. Wetteloos hierdie land van ons!!!! En soos motorfietse deesdae ry is dit vir my ‘n groot wonderwerk dat daar nie meer van hulle in ongelukke betrokke is nie!!!

Limpopo

Dis vir my altyd hartseer as mense so onnodig dood gaan maar dis skrikwekkend hoe roekeloos mense ry. Mense op motorfietse en in karre, enige kleur. Mense is selfsugtig en aspris en in die loop kry die wat agterbly die seerste.

dries

Landie,dink voor jy praat.Ek is self n biker en ons sien daagliks hoe mense met karre,bakkies en taxis dink hulle mag omdat hulle beskerm is teen n ongeluk met n fiets.Ja ons draai die arm partykeer maar is super versigtig.Ons het ook families.

Monica

Dries, stem met jou saam. Ek is ook ‘n biker en ma van twee. Mense gee nie om oor bikers. Ons is ekstra versigtig want ons is meer vulnerable op ‘n motorfiets. Ek het al hoeveel keer ervaar dat karre net voor my indraai of ‘n u-turn maak. Met ‘n kar trap jy ‘n briek dood. Met ‘n bike kan jy nie, tensy jy wil val. Ons is normale mense met profesionele beroepe en gesinne soos almal, nie freaks nie.

anet

Dit is hartseer om van hierdie jongman se afsterwe te lees. Sterkte en vertroosting aan sy familie