ʼn Motorfietsryer is Maandag in die vroeë oggendure dood ná ʼn ongeluk op die N12 naby Xavierweg in die suide van Johannesburg.
Chitra Bodasing, woordvoerder van ER24, het gesê die man se liggaam is naby ʼn paal by ʼn versperring aangetref. Daar word vermoed dat hy van sy motorfiets af geslinger is.
“Sy liggaam is sowat 200m van die motorfiets se wrak opgespoor,” het Bodasing gesê.
Hy het verskeie ernstige beserings opgedoen en is op die toneel dood verklaar.
Die oorsaak van die ongeluk word ondersoek.
Maroelamedia, net n spelfout in die opskrif: MotorfietsryerS se liggaam
Dankie, Riaan, ons het dit reggestel. Jammer daaroor!
Was nog altyd waar: Ride like lightning, crash like thunder.
Sterkte aan die familie. Daar is nou baie onnodige trane.
Sjoe – watse spoed moet ‘n mens ry om 200m ver geslinger te word!