ʼn Motoris is in die parkeerterrein van ʼn winkelsentrum in Margate, KwaZulu-Natal, doodgeskiet.
Verskeie nooddienste is Woensdagmiddag na die toneel naby die R620 in Margate ontbied. Hier het hulle ʼn man en vrou in ʼn voertuig voor ʼn hardewarewinkel aangetref. “Inligting vanaf die toneel dui daarop dat ʼn onbekende aantal gewapende mans op die man en vrou in die voertuig losgebrand het,” het Shawn Herbst, woordvoerder van Netcare911, gesê.
Volgens paramedici van die KwaZulu Natal Private Ambulansdiens is die man noodlottig gewond en het die vrou ʼn skraap aan haar linkerbeen opgedoen. Sy is op die toneel behandel en het vervoer na ʼn hospitaal van die hand gewys.
Die manlike pasiënt was egter nie so gelukkig nie en is met paramedici se aankoms op die toneel dood verklaar.
Die polisie was op die toneel om ondersoek in te stel.
Lekker ou Suid Afrika – ons Mafia is sterk besig om wortel te skiet
Nee, dis die lekker nuwe Suid Afrika, die reenboog droom waarvor so baie gesoebat het.
Die wilde weste in Suid-Afrika. As iets daadwerklik nie gedoen word nie, is hierdie land veraltyd verlore. Dalk sal die kommunistiese China met hul drakoniese wette inkom en alle misdaad kom uitroei.
Hoedman se kommentaar: ‘Nie geweet parkering is so skaars in Margate nie’
Cowboys en Crooks – lekker ou Republiek van Suid Afrika
KZN….nee dankie