Motoris onder voertuig saamgesleep

Foto: Netcare 911

ʼn Motoris is in ʼn kritieke toestand nadat hy Vrydagaand tydens ʼn botsing uit sy voertuig geslinger en deur ʼn tweede voertuig verder gesleep is.

Nicholas Dollman, woordvoerder van Netcare 911, het gesê die botsing het omstreeks 21:00 op die aansluiting van Corlettlaan en Ontdekkersweg in Witpoortjie in Roodepoort gebeur.

Volgens Dollman het paramedici een van die motors se bestuurder onder die tweede motor aangetref nadat hy deur die voertuig saamgesleep is. Meganiese toerusting moes gebruik word om die wrak op te lig en die man onder die motor te verwyder.

Foto: Netcare 911

Dollman het gesê die man was in ʼn kritieke toestand en moes aan ʼn ventilator gekoppel word. Hy is daarna na ʼn hospitaal in Johannesburg gehaas.

Volgens Dollman het die ander bestuurder geen ernstige beserings opgedoen nie en is op die toneel deur die Johannesburgse Metropolisie (JMPD) in hegtenis geneem. Hoofsupt. Wayne Minnaar, woordvoerder van die JMPD, kon nie by navraag die inhegtenisneming bevestig nie. Maroela Media wag op meer inligting.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
Drikus

Worm die ander voertuig bestuurder in hegtenis neem?

Cheryl

Wie weet….. Dalk dronkbestuur al wat ek aan kan dink!!!

Johan

Dis nou ‘n regte tref en trap.

CHRISTA

Dit klink vir my of hy nie sy sitplekgordel aangehad het nie. Dink dis seker net daar vir versiering. Ek hoop hy sal volgende keer WEL sy sitplekgordel aansit. Dit sal hom baie pyn en kostes spaar!!

Cheeki

Shame ekke