Motoris sterf langs Sasolburg-pad

Foto: ER24

Foto: ER24

ʼn Man in sy 70’s het Maandag in sy bakkie op die R59 naby Sasolburg gesterf ondanks omstanders se pogings om hom weer by te bring.

Russel Meiring, woordvoerder van ER24, het gesê paramedici is omstreeks 09:30 na die toneel ontbied. Ander motoriste het die klein bakkie teen ʼn stadige spoed oor die middellyn sien swenk waarna dit die versperring oorkant die pad getref het.

Ooggetuies het uit hul motors gespring en die bestuurder van die bakkie probeer help. Met paramedici se aankoms het hulle oorgeneem en ʼn halfuur lank gespook om die man by te bring. “Hy het ongelukkig geen tekens van lewe getoon nie en is op die toneel dood verklaar,” het Meiring gesê.

Meiring het nie uitgebrei oor die moontlike oorsaak van die man se dood nie. Die polisie was op die toneel en sal die voorval ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
Gesiggie

Ag sjaim hy het dalk n hartaanval of beroerte gekry..Ek weet daar is nog steeds baie ou mense wat bestuur, ouderdom 70 en meer, maar ek dink dat dit so gevaarlik is vir n ou mens om eintlik nog te wil bestuur op daai ouderdom, ek weet daar is nog wat jonk van gees is, en hul ouderdom baie goed dra, Maar die gevaar op die pad dalk vir hul te erg”Jammer aan die man se Familie…

tienkie

Gesiggie ek ken iemand wat nog stockars ry wat in sy 70 is!!

Rupert Ashford

Gesiggie jy kan nie voor die voet almal op sekere ouderdom oor dieselfde kam skeer nie (span ek darem nou die idiome en goeters in). Ons gaan miskien nog almal hoe ouderdom haal en as mens nog goed funksioneer is daar niks mee fout om nog voluit te leef nie. Daardie besluite moet deur elke individu geneem met sy/haar eie omstandighede in ag geneem.

Weskaper

70 is nog jonk

ADOLF

EK 70 EN VLIEG NOG HELIKOPTERS IN DUITSLAND