Motoris vas oor plofstof

Foto: SAPD/Facebook

’n Motoris is in die Strand, Kaapstad, in hegtenis geneem nadat daar plofstof en ammunisie in sy motor gevind is.

Lt.kol. Andrè Traut, woordvoerder van die polisie, het gesê polisiebeamptes het ’n wenk ontvang waarna hulle Saterdagaand die bestuurder van ’n VW Golf van die pad af getrek het in Kleinboslaan.

“Daar is dinamiet en ammunisie in die motor gevind. Die bestuurder, ’n 34-jarige man, is in hegtenis geneem.”

Volgens Traut sal die man binnekort in die Strand-landdroshof verskyn op aanklagte van die onwettige besit van plofstof en ammunisie.

Traut het gesê die man is in dieselfde straat waar hy woon van die pad af getrek en in hegtenis geneem.

“Ons pogings om die veiligheid van die gemeenskap te verseker word dikwels versterk deur die publiek wat ons met waardevolle inligting help,” het Traut gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

IK ·

Goed en wel maar nogtans nie goed genoeg. Padblokkades is die aangewese.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.