Motoriste gaan nóg meer opdok

petrolpomp 2

Argieffoto.

Twee groot faktore dra daartoe by dat brandstofpryse in Oktober weer gaan styg.

Die AA het gereageer op die einde-van-die-maand-prysdata wat deur die Sentrale Energiefonds (SEF) uitgereik is en gesê sterker internasionale oliepryse en ʼn swakker rand dra tot die verhoging by.

“In die eerste gedeelte van September het die rand redelik teen die Amerikaanse dollar gepresteer, maar dié neiging is sedert 12 September omgekeer. Die swakker geldeenheid het die vroeëre winste negatief beïnvloed,” lui die verklaring.

“Intussen het internasionale brandstofpryse aanhou styg gedurende September. As gevolg hiervan behoort petrol met 30c per liter te styg, terwyl diesel 41c meer sal kos. Die prys van paraffien sal na verwagting met 37c styg.”

Die AA het gesê die maand se syfers wys net hoe kwesbaar Suid-Afrikaanse brandstofverbruikers is met betrekking tot hoër brandstofpryse en depresiasie van die rand.

“Met die VSA se oog op rentekoersverhogings en florerende wêreldwye oliemarkte is dit ons siening dat verdere brandstofstygings voor die einde van die jaar onvermydelik gaan wees.”

Die prys van petrol het op 5 September met 67c per liter gestyg, diesel met 44c en paraffien se prys het met 49c per liter gestyg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Boet Fasie

Ek stem nie heeltemal saam nie , daar is 4 dinge en die grootste is die ANC wat hulself so gulsig help en die reddingboei wat so maklik aan SAL gegee word ten koste van die belastingbetaler

Pensioenaris

Ja tap ons maar totdat ons heeltemal leeg gebloei is en kyk maar wat word dan van die sukkelende spul. Mens raak so moedeloos…. Ons rente verhoog nie maar alles word duurder!!!

Pensioenaris

Ja, Biet Fasie, jy praat die waarheid! Hulle moet maar tap totdat ons heeltemal dood gebloei het. Sal dan sien wat dan van die sukkelende spul word…. ons rente word nie meer nie maar alles se prys styg. Ons kan ook nie meer nie.

Penellope Jones

Wanneer die petrolprys verlaag word, is daar meeste van die tyd ‘n groot prysaanpassing wat wag.

Toppie

Pensionaris jy praat die heilige waarheid ons bloei nie meer nie dit is nog net die wind wat in die are oor is. Ons volksgenote word gehelp met SASSA vir elke kleintjie wat hulle maak terwyl terwyl ond werk en elke maand gemelk word dat ons oe traan.