Motoriste hoor volgende week oor e-tol; EFF wil dit boikot

Fikile Mbalula, minister van vervoer. (Foto: GCIS)

Fikile Mbalula, minister van vervoer, het tydens ʼn mediakonferensie Donderdag gesê motoriste sal volgende week meer duidelikheid hê oor e-tol. Uit sy uitlatings Donderdag blyk dit dat motoriste wel hiervoor gaan moet opdok.

Die EFF het Vrydag opnuut ʼn beroep op motoriste gedoen om e-tol te boikot. “Ons verwerp Mbalula se oproep vir mense om daarvoor te betaal. E-tol was nooit veronderstel om op die mense van Gauteng afgedwing te word nie en die ANC-regering het verskeie kere beloof dat e-tol afgeskaf sal word,” sê Mbuyiseni Ndlozi, nasionale woordvoerder van die EFF. Hy verwys na die ANC se beloftes tydens die 2016- munisipale verkiesing, wat nou lyk of dit net ʼn poging was om stemme te werf.

Die EFF meen die Gautengse premier, David Makhura, het reeds miljoene rande gemors op “nuttelose” panele en openbare verhore wat die lot van e-tol moes bepaal. “Hierdie konsultasie moes reeds lank voor 2007 plaasgevind het, toe die regering besluit het om die e-tol-projek af te skop,” sê Ndlozi.

“Makhura het ook al verskeie beloftes gemaak tydens sy provinsiale redes, maar telkemale hom gedistansieer van sy eie stellings toe hy besef hy is nie in die posisie om daaroor te besluit nie.”

Ndlozi sê e-tol moet geboikot word tot die regering ʼn oplossing vind wat nie behels dat gewone landsburgers betaal nie. “Die mense betaal reeds vir water, elektrisiteit en ewig-stygende petrolpryse. Hoekom moet hulle betaal vir nog iets wat sy oorsprong het in die geldgierige en korrupte belange van politici?”

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
Klara

Ek staan saam die EFF in hierdie saak.

Koos Kookwater

Dis die eerste keer dat Ek met die eff saam stem. Nooit gedink dit sal ooit gebeur nie

Danien

This walk I will walk with the EFF. Nie net moet die EFF dit doen nie waar is al die ander partye ook sodat ons kan saamstaan. Komaan Cope julle wil mos aldag en heeldag die land lam le hier is nou n grondige rede om dit te doen. Kom ons staan net vir eenkeer saam en vat hande as Gautengers en se genoeg is genoeg.

Koos de Meyer.

Stem saam boikott die besigheid. Ek sal nie betaal nie.

De Villiers

Wat gaan gebeur as e-Tol afgeskaf gaan word? Die brandstofprys gaan skielik die hoogtes inskiet, en allerhande flou verskonings gaan vir die rede daarvoor aangebied word, soos die Rand/Dollar wisselkoers, olieprys ens. Hou hierdie spasie dop.

Dieselfde het gebeur toe Ramaphosa president geword het. Daar was nie genoeg fondse om sy doelwitte te finansier nie, soos gratis tersiêre onderwys, reddingsboeie vir staatsinstellings soos Eskom en SAL en ń leë staatskas. Toe jaag hy net die brandstofprys op om daaruit sy fondse te genereer vir dié doelwitte.