Motorwasser afgedank ná vrou sterf

Belinda Louw. Foto: Facebook via ILovPix

Belinda Louw. Foto: Facebook via ILovPix

Die werknemer wat die motor bestuur het toe dit Belinda Louw by die Sasol-motorwassery in Gezina, Pretoria, getref het, is afgedank.

Eduan Van As, bestuurder van die vulstasie, het aan Maroela Media gesê die werker het Maandag voor ʼn dissiplinêre tugverhoor verskyn en is met onmiddellike inwerkingtreding afgedank. “Daar was nie regtig veel anders wat ons kon doen nie. Dit is ʼn verskriklike tragedie wat gebeur het,” het Van As gesê.

Louw is Sondagnag dood nadat sy ná die voorval op 13 Augustus met kritieke beserings in die hospitaal opgeneem is. Sy het ook voor haar dood haar ongebore baba verloor. Sy was 38 weke swanger.

Kapt. Coba Britz, woordvoerder van die polisie, het Dinsdag gesê die polisie gaan steeds voort met hul ondersoek in die saak van strafbare manslag. Sy het gesê die polisie het ʼn waarskuwingsverklaring by die bestuurder van die voertuig afgeneem en dat hy deurentyd sy volle samewerking aan die polisie gee met hul ondersoek.

“Sodra die ondersoek afgehandel is, sal die dossier aan die hof voorgelê word wat sal besluit of iemand vervolg sal word al dan nie,” het sy gesê.

Corne Hitge, Louw se verloofde, kon nie vir kommentaar bereik word nie. Lindi Calitz, ’n vriendin van Louw, het op Facebook hulde gebring. “Met ʼn baie swaar hart sê ek vandag totsiens aan my maatjie van die afgelope 28 jaar. Wat ʼn voorreg was dit nie om jou as vriendin te kon hê nie! So dankbaar dat ek jou aansteeklike lag vir ʼn laaste keer kon vasvang. Sal dit vir altyd koester. Rus sag, liefste Belinda xxx.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

40 Kommentare

jongste oudste gewildste
Theresa

Eerste stap in die regte rigting. Maar daar sal beslis meer hiervan moet kom. Twee onskuldige mense het hul lewens verloor. So vreeslik jammer vir die gesin en familie.

Pieter B

Split gedeelte van ‘n sekond wat jy ‘n verkeerde besluit vat!! Glo die man het ook berou nadat hy die verkeerde besluit van sy lewe geneem het,Twee onskuldige mense wat die reg op lewe verloor het sterkte aan haar familie, vriende en spesiale vriend jou lewe het in ‘n oogwink verander!!!

Rene

Hierdie is ongelooflik hartseer en n baie duidelike les uit te leer.
Motors word my karwasserye gelos en dan gaan die eienaar van die voertuig rustig voort met inkopies. Die voertuig moet beweeg van punt A tot B tot C.
Meeste werkers by so n besigheid is minimale loon met geen bestuurslisensies nie, indien wel het, is hul nie geoefen met met alle soorte voertuie met verskillende perdekrag te bestuur nie.

Dit is n les vir almal hieruit te leer.
Baie slegte les

Joann

Is dit maar al wat gaan gebeur?

Adeline

Ek hoop die volgende stap na sy afdanking is om hom tronk toe te stuur. Twee mense se lewens is tragies kortgeknip deur sy toedoen.