Motshekga sê nou eers môre oor skole

Angie Motshekga. (Foto: Jairus Mmutle/GCIS)

Angie Motshekga, minister van basiese onderwys, sal nie meer Sondagaand soos beplan die media toespreek rakende die heropening van skole nie. Die mediakonferensie is pas uitgestel en sal nou na verwagting Maandag omstreeks 11:00 plaasvind.

Maroela Media het vroeër berig onderwysvakbonde en beheerliggaamorganisasies hoop dat Motshekga sal aankondig dat die heropening van skole uitgestel word.

Dít nadat vyf onderwysvakbonde en drie beheerliggaamorganisasies Saterdagaand gedurende ʼn vergadering met die minister dit eens was – skole is nié gereed om oop te maak nie.

Altesaam agt onderwysvakbonde en organisasies wat skoolbeheerliggame verteenwoordig, het vroeër vandeesweek vergader en eenparig tot die slotsom gekom dat skole nié te midde van die Covid-19-pandemie gereed is om te heropen nie.

“Die minister moet haar aankondiging in dié verband terugtrek en enige verdere aankondiging uitstel om die stelsel kans te gee om vir ʼn algemene heropening voor te berei. Indien nie, gaan ons ʼn halsoorkop heropening op hande hê,” het die organisasies in ʼn verklaring gesê.

Die verklaring is deur Sadou, Naptosa, Natu, die PEU, SAOU, Fedsas, NASGB en GBF onderteken.

Gr. 7- en gr. 12-leerders landwyd is veronderstel om Maandag weer terug op die skoolbanke te wees. Die Noord-Kaap het egter reeds aangedui dat leerders in dié provinsie hulle eers ʼn week later gaan aanmeld.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Paul

Dit word nou TOTAAL BELAGLIK!!!

Willem

Nou kan ons sien hoekom is slaag syfer 30%

Chris

Moeilik om te verduidelik, het seker nie haar huiswerk gedoen nie!

Wil ook net sê

Ek wil nie sommer uitsprake maak oor mense wat ek nie persoonlik ken nie. Maar Me. Motshekga kom onbekwaam en besluiteloos voor. Of steek die unies elke keer ‘n speek in die wiel?
Iemand sal uiteindelik ‘n besluit moet neem oor die 2020 skooljaar en dan staan of val by die besluit wat geneem was, hoe moeilik ookal

Barbara

Skrap die jaar geen kind of onderwyser se lewe is dit werd. Laat alle kinders eerder die jaar oordoen selfs in graad R. Sodoende sal die volgende jaar se graad 1’s nie oorvol wees nie. En as dit moet laat die Gr12 hul jaar klaar maak dit is minder kinders om PPE te voorsien as almal met tyd terug keer. En glo hul sal ook dan beter doen met minder kinders per klas en kan so spesiale aandag kry vir diegene wat sukkel en ń agterstand het.