Motsoeneng glo skuldig bevind

Hlaudi Motsoeneng. Foto: Catherine Rice/ANA

Hlaudi Motsoeneng, voormalige bedryfshoof van die SAUK, is glo skuldig bevind tydens ʼn interne tugverhoor.

Die SAUK se tydelike raad sal na verwagting Maandagmiddag meer inligting bekend maak. Zola Majavu, Motsoeneng se regsverteenwoordiger, het gesê hy het nog nie die uitspraak gesien nie.

“Nóg ek nóg my kliënt het al ʼn afskrif van die uitspraak gesien waaroor die media berig,” het hy gesê. Motsoeneng se tugverhoor is verlede week afgehandel. “Dit is vir my vreemd dat daar al blykbaar ʼn uitspraak is en dit met die media gedeel word, maar nie met die persoon wat geraak word nie.”

Motsoeneng is dissiplinêr verhoor nadat hy op 19 April ʼn nuuskonferensie gehou het waarin hy die nuwe tussentydse raad aangeval het omdat hulle sy 90/10-plaaslikemusiek-beleid gekanselleer het.

ʼn Uitspraak in die Wes-Kaapse hooggeregshof het in Desember gelas dat Motsoeneng onbevoeg is om enige pos by die uitsaaier te beklee totdat ʼn dissiplinêre verhoor hom vrygespreek het van enige aantygings, of as ʼn hof die openbare beskermer se verslag wat meld dat hy gejok het oor sy akademiese kwalifikasies en dat hy sy eie salaris onregmatig verhoog het, ter syde stel.

Sy pogings om teen dié uitspraak te appelleer het misluk.

Lees alle vorige berigte oor Hlaudi Motsoeneng op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

26 Kommentare

jongste oudste gewildste
Jane

Straf – niks, word na ‘n ander instansie oorgeplaas.

oumie

Hul het dit sekerlik nie hoog genoeg geag om hom in te lig oor enigeiets in te lig nie in my lewe het ek nog nie iemand gesien wat so vol van homself is nie gmpfffff

Daan

Die begin draai.

zoom zoom

Wat van al die geld wat hy homself toegeein het. Zuma kan hom nou aanstel in SARS of SARB om verder te help plunder aan ons gelde

Hanna

Nee wat, hy bou maar net aan sy CV vir die parlement of n ander nice werkie met komplimente v die ANC. Watch this space…