Motsoeneng: Parlement moet SAUK-raad ondersoek, sê ANC

Motsoeneng tydens Dinsdag se mediakonferensie.

Motsoeneng tydens Dinsdag se mediakonferensie.

Die ANC het Woensdag in die parlement gesê hy beveel ʼn parlementêre ondersoek aan om die bevoegdheid van die huidige raad van die SAUK te ondersoek ná sy besluit om die omstrede voormalige bedryfshoof Hlaudi Motsoeneng weer in ʼn senior posisie aan te stel.

“Die aanstelling van die openbare uitsaaier se voormalige bedryfshoof, wat ook deur die hof tersyde gestel is, in nóg ʼn senior posisie, is ongetwyfeld die laaste druppel wat die emmer laat oorloop het,” het Jackson Mthembu, hoofsweep van die ANC, tydens ʼn mediakonferensie in die parlement gesê. Dit volg nadat die SAUK-raad Motsoeneng as groepshoof van korporatiewe sake aangestel het ná die appèlhof se uitspraak dat sy aanstelling as bedryfshoof onwettig was.

“Die besluit om die voormalige bedryfshoof weer aan te stel, is ʼn absolute oortreding van die uitsprake van die hooggeregshof en die appèlhof, en dit dui op ʼn bestuur wat glad nie die wet respekteer nie.”

Mthembu het gesê die raad se besluit was “onwettig” en die raad moet onmiddellik vergader om dit te herroep.

Lees alle vorige berigte oor Hlaudi Motsoeneng op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

23 Kommentare

jongste oudste gewildste
Gawie

Hier gaan dadels van kom.

Jacques

Dis duidelik dat die Hoofsweep nie n zoema man is nie. Ek stel voor julle kry die springmielies uit. Die poppe gaan nog dans

Lance

NOG n ondersoek …tyd mors kom nooit iets van dit nie…ons weet dit almal reeds !

Manie

Hoe beeindig mens jou televisie lisensie?

KarooKlong

Gaaaaap, slaaaaaaaap, goeie more…