MRK is bevooroordeeld in Etzebeth-saak – VF Plus

Siya Kolisi en Eben Etzebeth – albei die Bokke se leiers dalk nie teen Italie beskikbaar nie.

Die uitlatings van adv. Buang Jones, nasionale hoof van die Menseregtekommissie (MRK) se regsafdeling, Donderdag oor Eben Etzebeth se beweerde gebruik van haatspraak, is uiters voortydig en bevooroordeeld, sê die VF-Plus.

Jones het Donderdag tydens ’n gemeenskapsvergadering in Langebaan gesê die MRK wil ʼn voorbeeld van Etzebeth maak. “Ons wil aan ander rassiste wys dat die k- of h-woord pynlik en skadelik is en bruin mense verontmenslik”. Jones moes Donderdag die gemeenskap op hoogte bring van die vordering van hul ondersoek na ’n voorval in Augustus waartydens Etzebeth en ’n groep mense wat saam met hom was, na bewering vir Enver Wilsnacht en Shiyaad Smith aangerand en rassistiese aanmerkings toegesnou het.

Die MRK het Vrydag in die gelykheidshof begin met regstappe teen Etzebeth. Die Suid-Afrikaanse Rugbyunie het intussen aangedui dat hulle ʼn interne ondersoek na die voorval begin het.

“Die MRK is, soos deur Jones ook bevestig, veronderstel om sy werk sonder begunstiging te doen, tog blyk dit Etzebeth is reeds deur die MRK skuldig bevind, voordat hy ʼn geleentheid gekry het om homself te verdedig,” sê dr. Pieter Groenewald, leier van die VF Plus.

Dr. Pieter Groenewald. (Foto: VF Plus)

“Die VF Plus veroordeel alle vorme van rassisme van enige lid van die samelewing. Die MRK toon egter tans duidelik dubbele standaarde deur die Etzebeth-aangeleentheid met die uiterste dringendheid te hanteer. Dít terwyl ander klagtes, soos dié teen die leier van die BLF, Andile Mngxitama, oor sy rassistiese uitsprake en haatspraak, hoegenaamd nie met dieselfde graad van dringendheid hanteer is nie.”

Groenewald sê die MRK behoort Etzebeth toe te laat om na afloop van die Rugbywêreldbeker-toernooi terug te keer en ʼn billike geleentheid te gun om homself teen die bewerings van haatspraak te verdedig. “Die MRK is veronderstel om die menseregte van alle Suid-Afrikaners te verdedig, ook dié van Etzebeth.”

Dit is uiters onverantwoordelik en onaanvaarbaar van die MRK om openlik bevooroordeeld op te tree deur Etzebeth vooraf in die media en op openbare vergaderings as skuldig te brandmerk, aangesien hy nog nie skuldig bevind is nie en daarom onskuldig is totdat andersins bevind word.

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

74 Kommentare

jongste oudste gewildste
Gatvol

Hoe kan hulle met die saak teen hom begin as hy nie eers hier is om himself te verdedig nie. Die MRK vat weer kant soos gewoonlik net omdat hy wit is. Dubbele standaarde. Die ou wat aangeval is glo ek gladnie is so onskuldig nie. Hy en sy pelle wil net ‘n quick buck maak. Regtig swak. Wonder wie is eintlik die rasis in die aangeleentheid…..

Gert

Die advokaat (!) se eie rassisme en vooroordele skree ten hemele….al ooit gehoor dat hy iets kwytraak oor die lyding van witmense wat vermoor word deur die mense wat hy beweer so erg ly!

Gert

Ten minste het Eben geld hê om ‘n goeie regsverteenwoordiger te kan bekostig. Iets wat die gewone man nie beskore is nie.

Snoefie

In watter saak wat swart teen wit is is die mrk, nvg en sommer die hele ANC nie bevooroordeeld nie? Kyk maar na die man wat die k woord in Griekeland gebruik het en in SA vervolg is. Dan is daar Penny Sparrow, Chris Hart, Vicky Momberg, die doodskis manne, die Coligny manne om maar n paar te noem! Is die boer woord nie net so haatvol en pynlik nie?

jonathan

kom ons wag maar eers om te hoor skuldig of nie voor julle die rasse kaart speel van dis onregverdig en en en dis so afgesaag dat julle jul self so jammer kry
Hoe lank is jul in SA en jul weet mos hoe werk dit. n Mens kan in sy spel gesien het vandag iets krap en hulle se dit beinvloed glad nie die span nie maar julle sal dit seker glo.