MRK is ʼn ‘lae hond’, sê Zuma se seun

Edward Zuma Foto: IOL

Edward Zuma, seun van pres. Jacob Zuma, het Saterdag die Menseregtekommissie (MRK) ʼn “lae hond” genoem nadat dié organisasie Vrydag onderneem het om hom te vervolg oor rassistiese aanmerkings wat hy in ʼn ope brief gemaak het.

In die brief, gerig aan Derek Hanekom en Pravin Gordhan, het Zuma gesê dat Gordhan, voormalige minister van finansies, en Hanekom, voormalige minister van toerisme, aan wit mense “uitverkoop” is.

Zuma het onder meer gesê dat Gordhan wit mense sal verdedig terwyl hy nie dieselfde vir ander kulture sal doen nie. Volgens hom is Gordhan een van die korrupste lede van die ANC en maak hy hom daaraan skuldig dat hy glo swart mense is net “snyers van suikerriet”.

Hy het ook gesê dat Hanekom “niks beter is as ʼn lae hond wat geleer is om swart velle te verskeur” nie.

In ʼn nuwe ope brief aan die MRK het Zuma gesê hy nie verbaas deur dié kommissie se “voortdurende sinnelose onderdrukking, afkeuring, vooroordeel en heksejag” nie.

“ʼn Mens sien dit in die geval teen my, maar ook in die breër gemeenskap. Die saak teen my verteenwoordig die onderdrukking van swart mense se stryd en pyn. Ek beskou die MRK soos ek hom nog altyd beskou het – ʼn lae hond wat losgemaak is om die swart gemeenskap te verskeur, te beheer en hul geskiedenis uit te wis. “

Zuma het ook gesê die MRK is niks meer nie as ʼn verdraaide organisasie en ʼn “ʼn post-apartheidstryder vir die eksklusiewe beskerming van wit koloniale setlaars en die wit monopolie kapitaal”.

Die MRK het nog nie op die brief gereageer nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

47 Kommentare

jongste oudste gewildste
My mening

Aartjie na sy vaartjie. Die (vrot) appel van nie vêr van die boom.

Waghond

Gupta pion.

My mening

Van=val.

Balkie

Maroela, kan julle nie ook asseblief berigte in engels plaas nie. Julle is by verre nog die een wat nuus akkuraat deurgee en geloofwaardig is. Sodoende kan ons die goed deel met ons buitelandse vrinde en die waarheid uitkry. Dink so daaraan, julle kan nog ‘n pos skep vir vertaling. Dalk kompetisie loods vir die engelse benaming? Net ‘n voorstel.

Nico

Wil net vir die anc se as julle nie nou teen die zumas en guptas optree nie is julle gedoem gaan nie lank hou nie hulle steel julle swart mense se geld ook dan moet julle stil bly en tevrede wees vir die pakkie toebroodtjies terwyl hulle steak en suzi eet kan julle nie sien dat die top struktuur lekker eet en slaap nie