MRK moet optree na Ekurhuleni-burgemeester se uitlatings

Mzwandile Masina by ʼn herdenkingsdiens vir die struggle-veteraan Chris Hani in Boksburg (10 April 2017). Skermskoot: eNCA

Dreigemente wat die burgemeester van Ekurhuleni, Mzwandile Masina, Maandag met die gedenkdiens van Chris Hani se afsterwe gemaak het, is volgens die VF Plus rassisties, beledigend en dreigend van aard teen wit mense en die Menseregtekommissie (MRK) is gevra om dit te ondersoek.

Masina se dreigement was teen wittes en die organisasie SaveSA gerig. Maroela Media het vroeër berig hy het gesê, “Ons vra mooi, julle moet ophou om ons land te verdeel, want dié wat in 1994 by julle gestaan het, sal nie oor vyf jaar hier wees nie. Indien julle so voortgaan, kan dinge baie rof raak. Ons is baie. Dit is nie ʼn dreigement nie. Ons is baie en dit kan baie, baie rof raak.”

Hy het ook gesê: “Dis baie belangrik dat ons ʼn baie, baie sterk waarskuwing uitstuur [dat] ons enige individu sal verguis wat in die pad staan van nasiebou en maatskaplike kohesie in Suid-Afrika. Ek wil vir ons wit eweknieë in Suid-Afrika sê hulle moet baie versigtig wees…”

Jennifer Rautenbach, VF Plus-raadslid vir Ekurhuleni, het gesê die uitlatings is uiters kommerwekkend en die indruk wat dit skep is dat wittes ernstige leed aangedoen kan word indien hulle nie saamstem met alles wat die ANC-regering doen nie.

Sy sê die woorde van Masina veroorsaak rassewrywing en -verdeling en is uiters onheilspellend in ʼn land waar die staatspresident reeds ʼn klimaat van rassespanning geskep het met sy verdelende uitlatings.

“Die VF Plus sien hierdie aangeleentheid in ʼn baie ernstige lig. Indien dit ongehinderd voortgaan, kan dit ernstige gevolge vir almal in die land inhou. Die party versoek daarom die MRK om sonder enige vooroordeel hierdie uitlatings deeglik te ondersoek en streng op te tree om dié groeiende tendens in die kiem te smoor.”

Die VF Plus het ook pres. Jacob Zuma by die Menseregtekommissie verkla oor uitlatings in sy toespraak met die herdenking van Chris Hani se moord.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Mieder

Hierdie uitlatings kan direk gekoppel word aan die aanslag op die plase. Wittes word wreedaardig vermoor en die mense regte kommissie doen niks daaraan nie

Jordaan

Ek verwag nie enige aksie nie. Die MRK val nie juis oor hulle voete as dit nie wit op swart rassisme is nie.

Antjie

Kan die Grondwethof nie ook gevra word om instansies soos die MRK en OB se partydigheid oor swart rassisme en vooroordeel te ondersoek nie? Het hulle nie reeds ons vertroue verloor nie? Indien mens daar faal kan mens makliker internasionaal ook regkom. Ons kan ons beeld as honde in die internasionale media se oë selfs vinniger herstel.

Na die positiewe tekens die laaste week van ander rasse en politieke groepe af, het ek hernude vertroue in die oppergesag van die reg.

Louis

Sal niks van kom nie, die MR K is self rasisties

Irene

So siek en sat mense se gemors laat hy doen net wat hy wil hoekom ons so dreig