MRK ondersoek ook ‘swart-gesig-foto’

Die foto wat op sosiale media versprei word

Die foto wat op sosiale media versprei word

Die Suid-Afrikaanse Menseregtekommissie (MRK) het aangekondig dat hy ook ondersoek gaan instel ná twee vrouestudente aan die Universiteit van Pretoria (UP) afgeneem is met swart gesmeerde gesigte.

“Hoewel die kommissie nog nie ‘n klag in die verband ontvang het nie, het die kommissie besluit om op eie inisiatief ‘n ondersoek van stapel te stuur,” het Isaac Mangena, woordvoerder van die MRK, aan Sapa gesê.

“Die kommissie stel veral belang in die maatreëls wat die universiteit gaan instel om die saak aan te spreek en die betekenis daarvan vir ander leerders op ‘n breër vlak.”

Mangena het die universiteit se ondersoek na die voorval verwelkom en sê hulle sal dit monitor.

“Dit is belangrik dat die proses sy gang gaan, ‘n proses wat die kommissie fyn sal dophou. Ons sal as deel van ons ondersoek ‘n volledige verslag van die dissiplinêre proses versoek.”

Die universiteit het vroeër aangekondig dat die twee studente uit hul koshuis geskors is.

Die twee studente word daarvan beskuldig dat hulle die universiteit se naam in oneer gebring het. Die foto is op sosiale media versprei.

Lees ook:
‘Swart-gesig-foto’: Studente uit koshuis geskors
Tugstappe teen studente oor ‘swart gesigte’

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
"Huh!"

Arme meisies… :-(

Henrietta Klaasing

Waar is die MRK se ondersoek van die haatspraak pamflette by NWU? Dis baie meer eksplisiet!

kyla

Eintlik verdien hulle 1ste prys. Ek dink dit is baie swak dat die situasie so uit verband geruk work, dit was ‘n blote grap gewees. So kinders mag ook nie meer in konserte ens soos ou mense of rooikappie aantrek nie. Belaglik.

Christiaan Potgieter

Ek dink dit sal gepas wees as alle wit studente by Tuks organiseer om op ‘n spesifieke dag met swart gesmeerde gesigte klasse by te woon. Hierdie is niks anders as ‘n oordrewe “Afrikaner-bashing” reaksie en is werklik fascisties.

Emmerentia Pienaar

Hmmm… interessant. Wonder waar is die Suid-Afrikaanse Menseregtekommissie as dit kom by haatspraak teen die Blankes? Dinge soos ‘Kill the Boer, Kill the Farmer’ en hordes ander slagspreuke wat geskreeu word? Waar is die Suid-Afrikaanse Menseregtekommissie wanneer hulle sien dat daar besig is om Volksmoord gepleeg te word; Blankes wat voor die voet op die verskriklikste, wreedste maniere gemartel en afgemaai word? Maar één ding WEET ek dat ek WEET dat ek WEET: Yahweh my Elohim, die Almagtige Skepper van Hemel en aarde, sal die onreg wat nou geskied NET SO LANK AS WAT HY VOORAF BEPAAL HET, TOELAAT.