MRK ondersoek ‘rassistiese video’

Kessie Nair. Foto: Facebook

Die Menseregtekommissie (MRK) veroordeel die uitlatings van Kessie Nair in sy gewraakte Facebook-video ten sterkste.

Die kommissarisse van die MRK het die besluit Donderdag op sy maandvergadering in Johannesburg geneem ná die herrie van die afgelope week oor die video waarin die oudgevangene en gewese eThekwini-raadslid pres. Cyril Ramaphosa die k-woord toesnou.

Nair het Donderdag in die landdroshof in Verulam, noord van Durban, voorgekom nadat hy die dag vantevore in hegtenis geneem is vir crimen injuria en die aanhitsing van openbare geweld. Die Valke het die ondersoek by die polisie oorgeneem.

Intussen het die MRK se KwaZulu-Natalse kantoor eergister sy eie ondersoek begin nadat die video met Nair se beweerde rassistiese uitlatings soos ʼn veldbrand in die sosiale media versprei is.

Gail Smith, MRK-woordvoerder, sê die kommissie sal die geval ondersoek. “Ons hou die kommer in gedagte wat sy familie oor sy geestesgesondheid uitgespreek het. Die kommissie is ook bewus daarvan dat mnr. Nair tans aangehou word … tot sy volgende hofverskyning vir sy borgtogaansoek.”

Die MRK beskou die opmerkings in ʼn baie ernstige lig “aangesien sulke uitlatings, veral wanneer dit in die sosiale media versprei word, verdelend is, maatskaplike samehorigheid asook die bevordering van menseregte benadeel”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Michael

Pleks hy net n AK 47 in die lug. in op geskiet het dan was hy ook skot vry. Kyk nou al sy drama oor n woord. Hoe belaglik kan jy kry.

Andre Truter

Aanhitsing van geweld!!?

En as Melema oor ‘n verhoor vir duisende skreeu dat wittes verdruk moet word, en die president sing “skiet die boer” is die MRK nêrens in sig nie.

HPV

In ‘n land waar meer mense per dag deur moord sterf as in oorloggeteisterde lande, en hulle veg oor die gebruik van ‘n ongewenste woord! Die is net so lagwekkend as wat dit kommerwekkend is. Daar word nooit so bohaai opgeskop as meer as 50 mense per dag hier vermoor word nie. Die voorwiele is nie meer in die pad nie, dit is reeds oor die afgrond…

willie

Uitstekende kommentaar nooit daaraan gedink nie! Skerp opmerking! Hy moes dit net met ñ mic en tromme gesing het dan was dit mos aanvaarbaar vir ander!

Judge Dredd

Maar “equality”sou mos wees as hulle hom glad nie vervolg, – alla Malema – of as die ondersoek ten minste 5 jaar vat.