MTBR: ‘SA in werklike finansiële krisis’

Tito Mboweni. (Foto: Elmond Jiyane, GCIS)

Suid-Afrika sit in ʼn wesenlike finansiële krisis en hoewel die mediumtermynbegrotingsraamwerk (MTBR) ʼn belangrike geleentheid is om te herprioritiseer om aandag te gee aan huidige krisisse, sal dit niks doen aan die ware probleem van beleidsonsekerheid wat die maaksel van die ANC-regering is nie.

Só sê Wouter Wessels, VF Plus-LP en hoofwoordvoerder oor finansies, rakende Tito Mboweni, minister van finansies, se MTBR wat Woensdag gelewer word.

“Van die probleme wat dadelik aandag sal moet kry, is die knellende droogte en toenemende waterskaarste in die land waar geld nodig is vir infrastruktuur soos damme en reservoirs. Geld is ook nodig vir hulp aan landbouers in droogte-rampgebiede.”

Volgens Wessels is openbare ondernemings se groot en onnodige las op die fiskus nog ʼn rede tot kommer. “Dié ondernemings is tans net swart gate waarin belastinggeld sonder enige sigbare voordeel of verbetering verdwyn.

“Die omkeerplan wat minister Pravin Gordhan vandag vir Eskom aangekondig het, sal geen onmiddellik effek op die huidige krisis hê nie. Die uitstaande skuld aan Eskom sal nie oornag betaal kan word nie aangesien munisipaliteite bankrot is.”

Daar is geen ander oplossing as om Eskom te privatiseer en te dereguleer om sodoende toe te sien dat markkragte kan meewerk tot gesonde kompetisie en kragvoorsiening nie, meen Wessels.

“Die ministers van openbare ondernemings én finansies word as gyselaars aangehou deur hul party se ideologie, alliansievennote en vakbonde wat weier om in te stem tot ongewilde besluite wat geneem moet word om herstel te bewerkstellig.”

Hierdie besluite behels onder meer die staat se salarisrekening, die aflegging van oorbodige personeel en ʼn moratorium op salarisverhogings asook privatisering en deregulering.

Wessels gaan verder en sê die mag van die vakbonde oor die regering en die uitwerking daarvan op die ekonomie hou die hele Suid-Afrika gevange. “Daar is ʼn werklike rigtingverandering nodig om aan hierdie doodloopstraat te ontsnap en die begrotingsraamwerk is die geleentheid om hierdie koersverandering teweeg te bring.”

Dit is duidelik dat Mboweni min beweegruimte het om die begroting te laat balanseer, sê Wessels en voeg by dat dit duidelik raak dat daar ʼn stewige tekort aan belasting-inkomste gaan wees.

“Groot ondernemings het bloot nie genoeg vertroue in Suid-Afrika om te belê om sodoende die belastingbasis te verbreed nie. Hierdie gebrek aan vertroue kan net deur beleidsekerheid herstel word en die ANC is duidelik nie in staat om dit te bewerkstellig nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

23 Kommentare

Lord Oom Piet ·

Die swak bestuurde openbare ondernemings is n groter geldput as wat die vorige onafhanklike tuislande was.

PJ ·

Nou praat hulle van hoe hulle uitvoere wil verhoog vir hoèr inkomste maar op Carte Blanche gesien hoe vrag houers nie gelaai kan word stukkende hyskrane ens.sien vanmòre Vragmotors met vraghouers staan al van gister af van die hawe tot in Durban sakegebied agv. onvermoè om houers af te laai Nou hoe nou? Pateties

Anoniem ·

Ja en wie se skuld is dit dat die land in finansiele krisis is. DIE ANC Mr. Mboweni. We can not put all the blame on one person Jacob Zuma. The ANC are the ruling government who jumped in hands and feet like ants and like waves of locusts did the plunder the treasury. Do you want to tell the nation that you (the good guy) and CR and the rest did not know about this. Where you part of the ANC or just blind. Why don’t you answer the Nation but instead you will punish the Nation by increasing fuel, food, taxes ect. You and the rest of the ANC are a lame excuse as a government. Why don’t you get the white people who has the knowledge back and let them assist you and your government, maybe then things will come right but your attitude towards whites are going to be your governments downfall

RP ·

En wat was jou alternatief? Jy weet SA was oppad na Noord-Korea? Heeltemal afgesonder van die wereld terwyl ons 80% van die bevolking onderdruk.

Ronel Nortje ·

Asof dit nou veronderstel is om nuus te wees. Dis nie asof ons dit nie verwag het nie!!!!!

Jaj ·

@RP en jou punt is? Ons word nou onderdruk. Alles is in sy maai in en net een groot as hoop. So ja dalk was opsie twee dalk beter gewees….

gatiep ·

Ek werk nie eens vir goverment nie maar ek kon hulle dit lankal terug vertel het.

Hendrik ·

Volk moes al bygekom het op 6 September 1966. Die alternatief? Die beleidsoorgawe was al ver gevorder teen 1992 en God langs die pad gelos. Ander alternatiewe is daar, maar geïgnoreer. Daar is dikwels alternatiewe aan die hand gedoen, maar die NP het jou afgeneem en ‘n leêr oopgemaak oor jou by nasionale intelligensie. Intimidasie, wil nie luister nie.

Hendrik ·

Volk moes al bygekom het op 6 September 1966. Die alternatief? Die beleidsoorgawe was al ver gevorder teen 1992 en God langs die pad gelos. Ander alternatiewe is daar, maar geïgnoreer. Daar is dikwels alternatiewe aan die hand gedoen, maar die NP het jou afgeneem en ‘n leêr oopgemaak oor jou by nasionale intelligensie. Intimidasie, wil nie luister nie.

Berekening ·

Kan ons asb begin om al die politici en parlementslede se salaris te sny met die werkloosheidsyfer, ingesluit mense wat opgehou werk soek, as ‘n %. Hulle praat net, doen en voel niks en boonop kom nie altyd hul toesighoudende pligte na nie. Verder, geen kosvoorsiening in die parlement nie, daar is erge droogte daarbuite.

Damme bou? Dit reën nie en verdamping is hoog. Strategiese grondwaterbenutting en drasties minder mense wat teer op die samelewing.

Anoniem ·

Dit weet ons reeds lankal Mboweni, die feit is dat dit jy en jou party is wat daarvoor verantwoordelik is. Kommunistiese vergrype is die oorsaak daarvan en eindig altyd dieselfde, daar bly net super rykes en brandarmes oor, terwyl die middelman gemelk word totdat hulle ook in armoede verval.

Eenrand Eskom ·

Die regerende party soek stemme en verbied ESKOM om sekere dorpe en stede se elektrisiteit af te sny Die mense wat stem weet dit en betaal dus nie hul skuld aan ESKOM nie. Dan roep die regerende party ESKOM na die parlement en wil weet hoekom ESKOM bankrot is! Logika van staatskapers!

Te Realisties ·

As jy nie die harde besluite in belang vd land kan neem nie gaan iemand anders dit vir jou kom doen in jou eie land. Of dit nou die IMF, China of Rusland gaan wees.

Frans C ·

Dink mnr Pravin Gordhan werklik sy ‘made in China’ oplossing vir Eskom gaan werk?

Elizabeth ·

Dit is nie nuus nie … ek wonder net of ons nie nou onafhanklik van politici, ministers en die logge parlement positiewe stappe kan neem om die land te red nie. Ons sal een of ander tyd moet sê tot hiertoe het ons belasting betaal, maar nie langer nie … ons kan nie langer vir die honderde duisende vetkatte wat nie bevoeg is vir die poste waarin hulle aangestel is, se buitensporige salarisse en byvoordele betaal nie. Wat ons wel kan doen, is om die land met die geld wat ons terughou te begin regmaak, want ons weet hoe .

Kraaibakke ·

Aag man druk meer geld ,vir hulle sal dit werk .Al wat hulle soek.

Saamprater ·

Hoekom dans almal om dié EEN groot sondebok wat die hele krisis begin het?
As hierdie sakie uit dié weg geruim word sal sekerheid en beleggings volg.
Stop EWC en die stryd is 80% gewen.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.