Muffins laat 20 leerders in hospitaal beland

Argieffoto

Altesaam 20 leerders van ʼn hoërskool in Mokopane (Potgietersrus) in Limpopo moes Vrydagmiddag na hospitale geneem word nadat hulle almal maagpyn ontwikkel en begin braak het.

Nick Dollman, woordvoerder van Netcare 911, het gesê paramedici is na die skool ontbied nadat ongeveer 50 leerders by die skool vermoedelik voedselvergiftiging opgedoen het. Die leerders het glo almal muffins geëet voordat hulle siek geword het.

“Die leerders is almal deur paramedici ondersoek en daar is gevind dat 20 van die leerders na hospitale geneem moes word. Die leerders is deur Netcare 911 en ander ambulansdienste na verskillende hospitale geneem,” het Dollman gesê.

Hy het gesê die voorval word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

5 Kommentare

E.K. (vra net) ·

Dis snaaks, mens kry nie SOMMER voedselvergiftiging van gebak nie. Muffins is klam en as dit nie reg gebêre is of te lank op verkeerde manier geberg was, mag daar dalk muf begin groei het en is dit nie raakgesien nie en steeds aan die kinders gegee.

Onnie ·

Seker “space cakes” . Muffins met dagga in. Nog nooit gehoor van iemand wat voedselvergiftiging kry van gebak nie! Hulle het almal “greenies” gehad, die muffins was seker te sterk gedose! Lol!

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.