Mugabe ‘gewalg’ oor xenofobiese aanvalle in SA

Pres. Robert Mugabe van Zimbabwe

Pres. Robert Mugabe van Zimbabwe

Pres. Robert Mugabe van Zimbabwe, ook die voorsitter van die Afrika-Unie, het Saterdag die xenofobiese aanvalle in Suid-Afrika teen Afrika-immigrante skerp veroordeel.

Hy het gesê soortgelyke geweld moet nooit weer in enige land plaasvind nie. “Ek wil my skok en walging uitspreek oor die voorval in Durban waar vyf of ses Afrikane doelbewus deur lede van die Suid-Afrikaanse Zulu-gemeenskap aan die brand gesteek is,” het hy in ʼn toespraak gesê. “Ons verstaan dit is ʼn betoging teen die invloei van burgers uit buurlande. Die daad om ander Afrikane op só gruwelike manier te hanteer kan nooit deur enigiemand goedgekeur word nie. Namens die AU sê ons dat dit nooit weer mag gebeur nie, nooit weer in Suid-Afrika of in enige ander land nie.”

Xenofobiese aanvalle het verlede week in Durban en Johannesburg plaasgevind en reeds die lewens van minstens ses mense geëis, waaronder ʼn Zimbabwiër. Sommige berigte verbind die huidige vlaag van xenofobiese geweld aan uitlatings wat die Zulu-koning Goodwill Zwelithini verlede maand gemaak het. Hy het intussen die bewerings ontken en gesê hy is verkeerd aangehaal.

Mugabe het gesê Afrikane op die Afrika-kontinent moet met waardigheid behandel word en enige immigranteprobleme onder nasies op die kontinent moet vreedsaam opgelos word. Die president het gesê sy land het reëlings getref om Zimbabwiërs te repatrieer wat deur xenofobiese aanvalle geraak word. Ongeveer 3 miljoen Zimbabwiërs bly in Suid-Afrika, waaronder talle opgeleide professionele persone wat sedert die laat 1990’s weens ekonomiese agteruitgang uit hul land gevlug het.

Isaac Moyo, Zimbabwe se ambassadeur in Suid-Afrika, het gesê minstens 1 000 Zimbabwiërs wat deur die aanvalle geraak word, sal Sondag na hul eie land terugkeer.

-Xinhua

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

27 Kommentare

jongste oudste gewildste
Andries

Nou gee vir jou oorlopers werk dan sal hul nie ons mense se werk kom vat nie maar jy kan nie want jy lewe ook net op pap en beloftes

Grassie

Wanneer ek na hom kyk is die gevoel van walging wedersyds. Sy xenofobiese, ras-gedrewe en moorddadige optrede teen blanke boere in Zim walg my tot in my siel.

Bruno Stef

Moegaap wat van jou eie landgenote wat in die verlede in Matabele land deur jou weermag en polisie op groot skaal uitgewis is.Jy het hulle mos destyds Dissidents genoem.Ek wil voorstel haal eers die balk uit jou eie oog uit hulle tree maar net op soos jy alreeds gedoen het.

Esther Coetzee

Jy is die laaste een wat kan praat, Mugabe! Net om jou gesig te sien walg my

Stephan

Onse geheuetjie is maar kort, nè.
Wat het Mugabe anders gedoen as om onskuldiges blankes te vermoor EN boonop hul grond te steel?
Nee Robert, jou geheue is kort en jou koppie raas.