Munisipale amptenaar in hof oor lisensiegeld

(Argieffoto)

’n Munisipale lisensie-amptenaar van die Oos-Kaap sal na verwagting vandag (Maandag) in die landdroshof op Mount Frere verskyn op aanklag van bedrog of alternatiewelik diefstal.

Kapt. Yolisa Mgolodela, woordvoerder van die Valke, sê daar word beweer dat ’n toesighouer by die Umzimvubu-munisipaliteit geld wat ontvang is vir die lisensiëring van voertuie vir persoonlike gewin gebruik het in plaas daarvan om dit in die departement van vervoer se rekening te deponeer .

Die beweerde bedrog of diefstal beloop sowat R122 000 en het vanaf 1 Julie 2019 tot 31 Maart 2020 plaasgevind.

Mgolodela sê ’n ander werknemer het die ongerymdhede opgemerk toe die betrokke verdagte met verlof was en dié werknemer vir haar moes instaan. Die departement van vervoer het boonop sy kommer uitgespreek oor die afname in inkomste tydens die betrokke tydperk.

Die verdagte is Vrydag deur die Valke se ondersoekspan in Mthatha in hegtenis geneem en is tans in aanhouding.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

3 Kommentare

jongste oudste gewildste
Diline

Die aantal persone wat korrupsie pleeg wat in diens van die Staat is, is skokkend! Reken dis omdat mense nie behoorlik gekeur word voordat hulle aangestel word nie. Boetie sorg dat boetie die werk kry.

Nie Verbaas

Weereens n bewys. Gee die verkeerde mense toegang tot finansies en hulle sal vat.

DIABLO

Ai Tante! Was daai KFC dit regtig werd?