Munisipale bestuurder vermoor

Foto: Viva Security

Foto: Viva Security

Die polisie in KwaZulu-Natal het ʼn taakspan op die been gebring na die moord op die munisipale bestuurder van Richmond.

Twee gewapende mans het Edward Sibusiso Sithole (39) omstreeks 9:00 Maandagoggend in Victoriastraat doodgeskiet. Die twee mans het hierna in ʼn motor op die vlug geslaan.

Volgens lt.kol. Thulani Zwane, woordvoerder van die polisie, het die waarnemende provinsiale polisiekommissaris opdrag gegee om ʼn taakspan aan te stel om die moord op Sithole te ondersoek.

Lennox Mabaso, woordvoerder van die departement van samewerkende regering en tradisionele sake, sê Sithole is na ʼn toetsstasie ontbied voor die moord. “Die besonderhede van die moord is steeds vaag, maar sy moordenaars het hulle na bewering as polisiebeamptes voorgedoen en hom van die pad af getrek.”

Sithole het die afgelope vyf jaar vir die munisipaliteit gewerk. Hy sou volgens berigte op 13 Maart oorgeneem het as munisipale bestuurder van die uMngeni-munisipaliteit.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

10 Kommentare

jongste oudste gewildste
AL

Genoeg is genoeg! SA is niks anders as in n greep van rampokkery deur goeie mense te vermoor!
Wit, bruin, swart, Indier moet saamstaan om hierdie boosheid in die land vas te vat en uit te roei!
As ons dit nie doen nie, gaan ons ons land weggee aan die goddelose!
Dankie vir al die drukgroepe en Afriforum en Solidariteit wat met die moed van leeu die daaglikse stryd aanpak vir geregtigheid!

Jacques

Wat van ‘n taakspan om plaas moorde te ondersoek?……. Vra maar net.

Annie

Taakspan vir 1 mens … maar geen taakspan vir duisende ander …. wonder hoekom??????????

snoefie

Lt. kom. thulani zwane, is jy ernstig? n TAAKSPAN vir een vermoorde anc lid, maar nie eers n debat oir die talle vermoorde boere nie. hoe rym dit?

Marius

Ondersoek maar die huidige munisipale bestuurder… Hy het moontlik iets om weg te steek,