Munisipale skuld skuif verby R9 miljard-merk

Dr. Zweli Mkhize. Foto: Elmond Jiyane

Munisipale skuld in Suid-Afrika staan nou op R9,6 miljard, en dit neem vinnig toe, het dr. Zweli Mkhize, minister van samewerkende regering, in die parlement aangekondig.

Die antwoord is verskaf op ʼn skriftelike vraag deur Xolani Ngwezi, IVP-LP.

Volgens Mkhize is dit ʼn toename van meer as 50% op die syfer van R6,3 miljard wat munisipaliteite twee jaar gelede geskuld het.

Verskeie redes is volgens Mkhize hiervoor verantwoordelik. Onder meer hoop rente só op dat munisipaliteite nie kan voorkom om skuld te delg nie. Munisipaliteite win ook te min geld van inwoners in om koste te verhaal, en baie munisipaliteite se inkomstebasis maak hulle finansieel onvolhoubaar.

Geld wat deur die staat aan munisipaliteite geskuld word, is ʼn groot bydraende faktor, terwyl sommige munisipaliteite weens gebrekkige kundigheid foutiewe of ongeldige rekeninge uitstuur. Die staat het reeds ingegryp deur vereenvoudigde rekeningstelsels in sukkelende munisipaliteite in werking te stel, terwyl doeltreffende munisipaliteite binne ʼn provinsie die ondoeltreffende munisipaliteite bystaan.

Die nasionale departement van openbare werke verskaf ondersteunende kundigheid terwyl daar ook ʼn forum vir munisipale hoofbeamptes is wat deur die nasionale tesourie gemonitor word.

Munisipaliteite ondervind egter omvattende probleme soos dat hulle sukkel met konsolidasie van skuld deur die staat, foutiewe of ongeldige rekeninge uitstuur, soos om dit nie betyds te doen nie of dit aan die verkeerde adres te stuur, dat die munisipaliteite verkeerd begroot en dat staatsdepartemente verkeerd begroot deur byvoorbeeld nie eiendomsbelasting in te reken nie.

Die aanbevelings van die regering aan munisipaliteite sluit in om voorafbetaalde meters te laat installeer, dat die staat die betaling van munisipale rekeninge as prioriteit moet stel, dat munisipaliteite strenger moet wees met skuldinvordering én behoorlike kredietbeheer ingestel moet word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Ray

Mmmmmmm…. Gebrekkige kundigheid, is dit ‘n erkenning wat ek hoor

Johan

Ek het baie simpatie en empatie vir mense wat regtig nie munisipale dienste kan bekostig nie. Maar van die nie-betalers kan gedeeltelik of alles betaal. En hierdie klomp is die dinges in die drink water. Die kultuur van nie-betaal en handouts het nou kultuur geword. Ek

Judge Dredd

To BEE or not to BEE.

sinies

Nog ‘n mislukte Afrika staat.

Alida X

Dit is geen verassing nie. Een van die baie redes is “gebrekkige kundigheid”Raak dan van die mense ontslae en stel kundige mense aan. Hoekom is die onkundiges in die eerste plek aangestel? Dom vraag, die ou wat hulle aangestel het was ook onkundig. Voorafbetaalde meters gaan ook nie help nie. Die instalering gaan die munisipaliteit klomp geld kos. Sal beslis gelaaide pryse wees. Daar sal net voortgegaan word met onwettige verbruik. Dit is mos waaraan hulle gewoond is. Erfbelasting, vullisverwydering en riolering kan ook nie met voorafbetaalde meters werk nie en dit is deel van inkomste. Baie munisipaliteite gee 50… Lees meer »