Munisipale skuld styg binne drie maande met R10 miljard

Tito Mboweni, die minister van finansies (Foto: @GovernmentZA/Twitter)

Die uitstaande skuld wat aan Suid-Afrika se munisipaliteite verskuldig is, het in die eerste drie maande van die landswye afsondering (einde Maart tot einde Junie) met R10,2 miljard gestyg.

Die nasionale tesourie het Donderdag in ʼn verslag gesê altesaam R191,5 miljard is gesamentlik aan die land se munisipaliteite verskuldig vir dienste gelewer, maar realisties sal die munisipaliteite waarskynlik minder as ʼn vyfde van die geld herwin.

Sowat R14,8 miljard, of 7,7% van die skuld, is deur staatsdepartemente verskuldig.

Die grootste deel van die skuld is egter van huishoudings wat, teen die einde van Junie, toe die vierde kwartaal van die finansiële jaar vir munisipaliteite afgesluit het, altesaam R133,9 miljard aan hul plaaslike rade verskuldig is.

Die totale skuld aan munisipaliteite verskuldig was teen die einde van Maart R181,3 miljard. Die leeueaandeel, R102,3 miljard, is aan die land se metropolitaanse munisipaliteite verskuldig. Bo aan die lys is Stad Johannesburg, aan wie R31,1 miljard verskuldig is, gevolg deur Ekurhuleni (R16,4 miljard), Tshwane (R16,2 miljard) en eThekwini (R13,5 miljard).

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

10 Kommentare

Pieter ·

Ja ou tito jy is nes jou ander broers ou pravin het ook geweet hoe plunder julle ANC. Hy het maar net ander kant toe gekyk dit is hoe julle kommuniste werk.

Simon ·

Waarom betaal vir dienste wat nie gelewer word nie en die “bedrog skuld” is verseker heelwat meer as die R10 MILJ bedraggie.

Kokerboom ·

Skuld hiervoor kan direk voor ANC se deur gele word. Dis ‘n groot nasionale krisis en hul het GEEN plan of oplossing. Dit gaan hande uit ruk en totale verval is ons voorland.

Misky ·

Lekker lag ek toe ek lees “vir dienste gelewer”…. ek bly in Durban (eThekwini) en hier is absoluut geen dienste wat gelewer word nie. Vuil parke en sypaadjies, rommelverwydering baie swak en vullissakke word amper nooit meer gedoen nie. Swak man!!!!

Persheks Adri ·

Ons moet betaal en betaal en betaal vir uiters swak diens om nie eers te praat van die “potholes” nie! Ons het GEEN sulke goed gehad in die apartheidsjare nie! Tito is ook nie ‘n slim nie regtig hy’s ‘n stomp potlood soos die res van die regering

Karinda ·

Geen probleem – stuur die rekening vir die kopdoek tannie sy sal dit betaal met al die wins wat haar familie met die sigaret verkope gemaak het. O ja en al die skenkings van die Buiteland wat so verdwyn het.

Moedeloos ·

Dr Zumpie wou mos niks laat oopmaak nie so hoe moes die mense inkomste kry om die rekeninge te betaal? Kyk hoe lyk ons land met werkloosheid daar gaan nog meer skulde in die toekoms wees.

akkedismis ·

Die oplossing is om alle munisipale rekenings in ‘n spesiale munisipale trust te betaal. Die Trust moet deur ‘n FINANSIËLE INSTANSIE en ‘n Prokureurs Firma BESTUUR word om REKENINGS van MUNISIPALITEITE te betaal.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.