Munisipale verkiesing: Wat maak ek met my stem?  

Oor minder as ʼn week moet Suid-Afrikaners weer hul kruisies in die plaaslike verkiesing trek, met die hoop dat dienslewering in hul betrokke munisipaliteit sal verbeter.

Die statistieke dui egter daarop dat baie mense waarskynlik nié vanjaar gaan stem nie weens ʼn toenemende gevoel van ontevredenheid met die plaaslike regering en apatie teenoor politiek oor die algemeen.

ʼn Paneel politieke kenners waag ʼn paar voorspellings oor die EFF se groei, die moontlikheid van koalisies en onafhanklike kandidate se uitslae.

Hulle verduidelik ook hoekom dit belangrik is om aan vanjaar se verkiesing deel te neem en hoe gemaak indien jy nog nie weet vir wie om te stem nie.

Christel Cornelissen gesels Dinsdag 26 Oktober om 13:00 met die politieke kenners Alida Kok en André Duvenhage, asook Morné Mostert, hoof van plaaslike regeringsake by AfriForum hieroor.

Volg die gesprek regstreeks op Maroela Media se Facebook-blad. ʼn Video van die gesprek sal ook na afloop van die gesprek onder aan hierdie artikel beskikbaar wees.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

57 Kommentare

jongste oudste gewildste
Peter Pan

Gooi dit in die asblik..

Werner

Natuurlik Sal die kenners nou weer n sak vol twak hé oor hoekom jy moet stem anders gaan hulle nie n werk hê nie.Jammer nie een van julle beteken iets nie .Weet wat ek Maandag doen en dis nie stem nie.

Harley Davidson

Afriforum en solidariteit is die enigste organisasie wat na my belange omsien maar ongelukkig kan ek nie vir hulle stem nie nou help ek maar met ‘n klein finansiële bydra.

Wakkerslaper

As my nie stem nie, moet jy ook nie kla nie.

Ek gaan eertens en die mees belangrikste stem vir die behoud van konserwatiewe, Christelike, en ALLEEN Christelike normes en waardes. Dan gaan ek stem vir die bevordering van ons Boere-Afrikaner se kultuur en taal en die beskerming van ons erfenis en geskiedenis, en vir die strewe na geografiese en politieke vryheid en onafhanklikheid.

Frank John

Jy moet stem. Moet net nie, nie-stem nie. Jy doen meer skade as jy nie stem nie.