Munisipale werkers steeds nie vir September vergoed

Argieffoto (Foto: stevepb, Pixabay)

Werknemers by die Bojanala Platinum-distriksmunisipaliteit in Noordwes het steeds nie hul salarisse vir September ontvang nie.

Archie Babeile, woordvoerder van die munisipaliteit, het bevestig dat daar ’n vertraging in die uitbetaal van salarisse by die munisipaliteit is en verseker dat ’n raadsvergadering Woensdag of Donderdag belê sal word om “die pad vorentoe” te bepaal.

Die burgemeester, Fetsang Molosiwa, het reeds Dinsdag die probleem tydens ʼn geslote vergadering met die werknemers aangespreek nadat Pogiso Shikwane, die munisipale bestuurder, vroeër ʼn kennisgewing uitgereik het waarin verduidelik word dat die uitbetaal van salarisse verlede maand uitgestel is weens finansiële probleme by die munisipaliteit.

Sommige werknemers op ʼn laer salarisskaal het egter gesê hulle is vergoed vir September.

Die DA in Noordwes het intussen ʼn beroep op die provinsiale komitee vir openbare rekeninge gedoen om die politieke leierskap en senior bestuurders van die munisipaliteit aan te sê om rekenskap te gee van die munisipaliteit se haglike finansiële toestand wat weer eens daartoe gelei het dat werknemers se salarisse nie betyds uitbetaal is nie.

Dit was ook die geval in Julie vanjaar toe die munisipaliteit nie sy regmatige aandeel van die nasionale tesourie ontvang het nie.

Die munisipaliteit genereer nie inkomste nie en is afhanklik van dié aandeel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

26 Kommentare

jongste oudste gewildste
se maar ook net

wat ek nie kan verstaan nie as jy nie binne jou tydperk jou rekening betaal nie sit hulle jou krag af en klaar even al het jy pre paid so waar gaan al die geld heen? o ja hoe dom van my dit geld net vir sekere mense! maar nogsteeds as ons nie betaal nie sny hulle so waar gaan die geld heen want na dienste toe gaan dit beslis nie

marous

Geen inkomste word gegenereer nie maar daar is ‘n munusiplaiteit met werkers , ‘n burgemeester en ‘n bestuurder ? Belaglik !

Sou ook

Sou ook klippe gooi en brand as my salaris nie betaal word maar intussen sit die burgermeester en sy gespuis saam in ons land se soustrein…
Gooi die soustrein en brand hulle Jeeps en Landrovers…

GM

Hoeveel van dié wat nou laat betaal word, betaal nie vir die dienste wat hul ontvang nie? Wil gratis water en krag hê, ens., maar daar moenie met hul salarisse gepeuter word nie. Die ironie tog.
En dan word daar oor en oor vir dieselfde party gestem, al sien mense hoe als agteruitgaan as gevolg van korrupsie ens.

Gemaskerde Sopbeen

Ek sien nie dat die burgemeester, munispale bestuurder, of enige senior personeellede oor dieselfde kla nie? Hulle is dus “eerste betaal” en die res moet maar wag?