Musiekbedryf verwelkom SAUK-besluit

SABC-gebou in Kaapstad Foto: Maroela Media

SABC-gebou in Kaapstad Foto: Maroela Media

Die Suid-Afrikaanse musiekbedryf het die SAUK se besluit, om vanaf Donderdag minstens 90% plaaslike musiek oor sy 18 radiostasies uit te saai, verwelkom.

Die SAUK het in ʼn verklaring gesê ná omvattende en suksesvolle gesprekke met verteenwoordigers uit die musiekbedryf, het hy die besluit gemaak om meer plaaslike inhoud te prioritiseer wat die diversiteit van Suid-Afrikaanse kulture reflekteer.

Die musiek wat gespeel moet word, moet alle genres insluit met ʼn spesiale fokus op Kwaito, Jazz, Reggae en Gospel.

Die openbare uitsaaier het gesê hy sal met sy gehore in gesprek tree om te evalueer of hulle tevrede is met die veranderinge.

Hlaudi Motsoeneng, hoof bedryfsbeampte, het gesê die SAUK het ʼn radikale besluit geneem oor sy aanbod van plaaslike inhoud op al sy radio-, televisie- en digitale platforms. “Dit is in hierdie konteks dat die besluit oor plaaslike musiek sal verseker dat die SAUK ten volle die verskeie style van plaaslike musiek reflekteer.”

Musikante en veteraan musikante het hulself tot sosiale media gewend ná die aankondiging gemaak is om die SAUK en Motsoeneng te loof vir die besluit.

Die jazz-legende Don Laka het op Facebook geskryf: “Ek is vandag trots om Suid-Afrikaans te wees. Hierdie man Hlaudi het my vir die eerste keer in baie jare ʼn traan laat stort. [Donderdag] sal julle Suid-Afrikaanse musiek op al SAUK se radiostasies hoor… deel gerus! Uiteindelik vry!”

Laka is al ʼn paar jaar lank ʼn aktivis vir plaaslike inhoud op Suid-Afrikaanse radiostasies.

Bob Mabena, veteraan radiopersoonlikheid, het op Twitter geskryf: “Iemand moet vir die SAUK se Hlaudi ʼn Bells gee. Die man het homself verlos. Plaaslike inhoud op die SAUK.”

Die Hip Hop-kunstenaar AKA het ook die SAUK geloof in ʼn reeks plasings op Twitter: “Dit is die grootste oorwinning in die geskiedenis van Suid-Afrikaanse musiek. Uiteindelik ʼn omgewing waar patriotisme kan floreer.”

Die openbare uitsaaier het ook onderneem om plaaslike musiek te gebruik tussen televisieprogramme.

Die SAUK het ook onderneem om vanaf 1 Julie 2016 sy plaaslike inhoud op televisiestasies te verhoog.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

30 Kommentare

jongste oudste gewildste
Lulu

Totsiens ALLE SAUK stasies. Sal maar vir my musiek ens download.

John

Lulu, nou’s ons twee. My klassieke cd’s hou psigiater-rekeninge uit my posbus en van nou af ook die ek en ek en ek en my geliefde se pyn en lyding. Boem, boem! Ons volk gaan nou so dom word. Moet tog nie in Rusland gaan toer nie, almal wat so juig. Daardie mense kry hul klassieke musiek saam met hul Purity in. Julle gaan skandes maak. Bly tuis.

Hein

Regtig? Ondersteun die kwaito, reagea ens nie hulle plaaslike sangers nie. Ek weet die Afrikaners doen. Ek weet van engelse sangers wat begin om afrikaans te sing net om te oorleef. Het hierdie ander ouens nie hulle eie kultuur nie?

Elizabeth

Nou gaan ons darem bollie hoor op rsg

Lo

Jazz maar voort RSG weet in elk geval nie meer hoe n horlosie werk nie.